| Conoce SUSAN BLACK Oradornan di Smarter online Marketing Seminar |
 |
 |
| Tuesday, 31 July 2012 15:02 |
|
 Otro siman den Westen Hotel lo tuma lugar e interesante seminario titula Smarter Online Marketing Seminar cual ta ser organisa pa AHATA y patrosina pa Caribbean Mercantile Bank.
Susan Black ta un di e oradornan principal, e tin un carera extenso y distingui den industria di biahe. Actualmente su responsabilidad ta pa dirigi mercadeo pa Travel Impressions y American Express Vacations. Susan ta forma parti di varios hunta consultativo y a ser eligi pa forma parti di e Comite Ehecutivo di Asociacion di Ehecutivo di Mercadeo di Biahe 2012 di cua e ta e vice-presidente. Durante e ultimo 5 añanan el a presedi y tabata moderado di tur tres conferencia di “Eye for Travel” (EFT) teni na Merca: di e Cumbre di Distribucion di Biahe; di Online Marketing y di Social Media. Tambe el a presidi e Cumbre di Distribucion di Biahe Europeo di EFT organisa na London. Su experencia previo ta inclui: Director di Marketing di CheapCaribbean.com; Vice-presidente Ehecutivo di Mercadeo pa Liberty Travel/GOGO Worldwide Vacations; Fundado di Conferencia & Expo di TravelCom; Fundado di Foro di Muhenan Ehecutivo di Industria di Biahe; Presidente di eTravelWorld; Gerente General y Editor di Thomas Publishing’s Travel Group; y Editor Asocia di Corporate Travel Magazine. Susan tin un Bachelor of Arts den Historia di Rutgers University y un Master of Philosophy den Arkitectura di University College London. Su experiencia den uso strategico di internet y social media pa metanan di mercadeo pues ta hopi extenso. E lo comparti e ultimo tur e experiencia aki otro siman den e seminario den Westin Hotel. Kaarchi pa e evento aki ta optenible na oficina di AHATA cual tin como orario di 8 or di mainta pa 12 or di merdia y di 1or di merdia pa 5or di atardi. Tambe por yama oficina di AHATA na telefoon 5822607 of oficina di ECA Tel: 5834100. E seminario aki no solamente ta pa companianan cu ta traha den mundo di turismo pero tambe pa comercio engeneral.
|
Mustra/Kita e formulario di comentario
