|
Team Campeon di Aruba Royal Power ta saliendo pa Panama |
 |
 |
|
Tuesday, 31 July 2012 18:21 |
|
Aruba Softball Bond ta informa cu e equipo campeon den AA fastpitch a ricibi e derecho pa representa Aruba den un competencia internacional organisa pa e Federacion di Panama unda un total di 7 pais lo ta participando. Royal Power den pleno preparacion ta saliendo diaranson 1 di augustus pa Panama pa asina enfrenta entreotro campeon di Republika Domenicana, Panama, Venezuela, Costa Rica, Guatemala y Nigaragua.
Segun informacionnan ricibi cu tur lo hunga contra otro den e promer buelta y e promer 4 equiponan lo clasifica pa e di dos buelta y ta mustra di mester hunga un total di 6 wega promer cu bo sigi. Aruba Softball Bond sacrificando duro riba propio forsa pa logra coopera pa Aruba por ta debidamente representa. Di otrobanda mester bisa cu Royal power ta un ehempel tambe di hungadornan cu ta traha duro tanto riba tereno compitiendo como pafor di tereno pa asina yuda logra nan metanan. Aruba Softball Bond ta desea e equipo di Royal Power tur classe di exito pa cu e torneo fuerte aki cu no ta uno facil. Finalmente esaki ta un otro logro di Aruba Softball Bond den lasonan estrecho cu federacion di Panama aportando na desaroyo y nivel di softball.
 |
Mustra/Kita e formulario di comentario
