| Federacion Liga Mayor a homenagea 3 baluarte grandi di deporte softall |
 |
 |
| Tuesday, 31 July 2012 18:56 | |||||||||
 Diadomingo ultimo Federacion Liga Mayor tabata tin nan clausura di campeonato 2012 riba veld di Flatstone unda desde oranan di mainta a inicia algun partido amistoso mientras cu pa 130pm tabata tin wega pa tercer y di cuater lugar y mas den atardi e gran final entre Kibaima y Kenro unda nos a compronde cu Kenro a titula campeon. Riba un veld di Flatstone yena cu fanaticada y un tremendo ambiente Federacion di Liga Mayor di Softball net promer cu e wega pa di tercer y cuater puesto tabata tin un ceremonia unda a reconose y homenagea tres baluarte kendenan a nifica masha hopi pa e deporte di softball. Mas aun tur ta activo ainda den nan respectivo Liga demostrando asina e amor y passion incondicional cu nan tin pa cu e deporte. Presidente di Federacion di Liga Mayor Sr Amado Rosina a lesa historia enbreve di cada un di e baluartenan aki y despues a bay over pa entrega cada un baluarte nan respectivo plakaat como reconosemento. Asina miembro di directiva Benny Coffee a entrega baluarte Maiky Lacle su plakaat mientras cu baluarte Benny Geerman tambe a ricibi su reconosemento y finalmente president di Aruba Softball Bond Sr Endy Croes a entrega baluarte Franklin Ranes su reconosemento. Presidente di Aruba Softball Bond den su speech a felicita tur tres baluartenan y nan familiaresnan presente y a bisa cu ta un honor y orguyo pa por reconose baluartenan na bida y a gradici cada un di nan pa nan aporte pa cu e deporte di softball. Tambe Presidente a vocifera cu union ta hasi forza y a splika cu Liga Mayor por conta cu sosten di Aruba Softball Bond pa cualkier curso sea di umpire scorers of uno similar y cu semper e portanan ta habri. Finalmente a lansa e promer bala unda Maiky Lacle a fungi como pitcher, Franklin Ranes como catcher, Endy Croes como batiador, Edward Cannister como chief umpire y Benny Geerman a core e basenan desde primer ate home. Tanto Federacion di Liga Mayor di Softball y Aruba Softball Bond ta felicita e tres baluartenan aki y nan familiaresnan y ta gradici nan pa nan aporte total pa cu e deporte di softball. Pabien Benny Geerman, pabien Maiky Lacle y pabien Franklin Ranes. Pabien deporte di softball!!!!!!
Comentarionan (1)Mustra/Kita comentarionan ...
Unda PUEBLO por haya BOLPEZ cumpra? Poco dia pasa, Minister VISSER tabata haci PRESENTACIONNAN publico rond di ARUBA mustrando ariba un POSTE di HERO cu tin un BURACO, pa falta di 3 ANJA di MANTENCION na e parke CORAZON na JABURIBARI y parce cu ya el a CANSA. PUEBLO por mir'e ariba e FOTO nan ariba? TRES BALUARTE den DEPORTE, manera Mr MAIKY LACLE, BENNY GEERMAN y FRANKLIN RANES ta worde RECONOCI y Minister Visser ta SPOORLOOS. Igual manera tabata su ACTITUD, pa NEGLISHA pa reconoce, 2 BALUARTE den deporte na e CAMPEONATO INTERNATIONAL di CHAMPS of the CHAMPS, bow nomber di Sr. CHIPEN CHIRINO y Sr. POY FLANEGIEN. PUEBLO tin un LUPA ariba Minister Visser cu ta SPOORLOOS y PUEBLO lo pag'e y tambe lo keda SPOORLOOS pa Minister Visser, den eleccion nan 2013!
,
August 01, 2012
Duna Comentario y/of Comparti riba Social Medi |
Mustra/Kita e formulario di comentario
