| Acuerdo APFA-Gobierno ta e ehecucion di mandato di Parlamento na minister finanzas na 2005 |
 |
 |
| Tuesday, 31 July 2012 19:06 |
 Prome Minister Mike Eman, den un entrevista a refuta e argumentonan di oposicion y algun sindicato cu e acuerdo firma pa gobierno cu APFA no ta legal. E acuerdo aki segun e mandatario, ta e culminacion y ehecucion di un mandato cu minister di finanzas sin importa nominacion di partido, a haya for di parlamento na 2005. Gobierno anterior a laga e proceso aki sin termina y gabinete Mike Eman 1 si a dune continuidad y a haya respaldo na 2010 y 2011 den e dialogo social pa trece cambionan necesario pa rescata e fondo di pensioen di ambtenaarnan.Parlamento a duna minister di finanzas poder pa haci kico cu ta necesario pa e cambionan tuma lugar y tur esaki ta inclui den e mandato menciona, pa asina e pension por opera riba su mes y bao control di Banco Central. Prome Minister a bisa cu e ministernan ni directornan di APFA y tampoco Banco Central ta bay presta nan mes pa haci algo cu ta ilegal. E mandatario a splica cu e ta contento cu e sindicatonan y gremionan comercial a participa den e dialogo social caminda cu esaki a keda concreta den un protocol, y cu awe por bisa cu e fondo di pension di ambtenaarnan a keda rescata. Comentarionan (4)Mustra/Kita comentarionan ...
Boso nan dede largo a zink e pension di trahadornan publico. Ta kita placa di trahado pero no ta entrege na Apfa. 7 millon ta hopi placa cu boso no a entrega. Ni gobierno y ni Sindicato nuin dia a bin comunica na e ambtenaarnan cu tin asina un problema grandi cu e pension y di traicion den un dialago social sepa ta traiciona tur su miembronan firmanando algo cu no a wordo participa na e miembronan y cu e miembronan nuin momento tawata di acuerdo y ni tawatatin aprobacion di miembronan. Un falta di respet grandi y abuso contra e trahado publico.
,
July 31, 2012
...
Awor di tur e problema aki ta e trahador cu no ta ambtenaar lo sali perhudica, pasobra e placa cu gobierno lo mester saca pa paga bek no ta wordo saca di e ambtenaar so, pero di tur hende cu ta paga belasting. Anto awo mi prgunta ta: cua sindicato ta bay sali pa e no-Ambtenaar pa e trahado humilde cu ta gana minimumloon? APFA a perde placa ariba stock market, APFA no a zorg pa cobra gobierno, wel no bin saca placa for di e humilde trahado cu no ta ambtenaar.
,
August 01, 2012
Duna Comentario y/of Comparti riba Social Medi |
Mustra/Kita e formulario di comentario
