Den un entrevista cu Leo Boekhoudt di NV Elmar, el a splica cu e compania tin un contract cu gobierno caminda cu e ta take care di e luznan di trafico di full Aruba, di acuerdo cu gobierno su deseonan. Pronto lo mira cambionan grandi den luznan di caya tanto visible como invisible. Leo Boekhoudt ta detaya y a splica pa prome cu no ta asina cu Elmar por dicidi na unda ta bin luz di caya y ki tipo di luz. Esaki ta completamente den man di gobierno pa medio di DTI cu ta esun cu ta bida Elmar unda mester bin luz nobo y unda mester tin cambio.

Elmar ta trahando pa anjanan caba dentro di e margen di e contract ey. Den e contract aki tin tambe tur e tarifanan pa e luznan cu ta usa den henter Aruba. Pa basta tempo gobierno a mustra su deseo di wak si Elmar por usa e mesun placa cu ta ricibi pa pone mas luz di caya, di tal manera cu barionan cu no tin suficiente luz of no tin luz mes, tambe lo por haya luz sin tin nodi di paga mas placa na fin di luna.

Boekhoudt a splica cu tur luna nan ta manda cobra gobierno pa laga cende e luznan di caya y pa duna nan mantenimento.  Scogencia a cay pa bay usa e luznan tipo LED, cu ta hopi den noticia e ultimo anjanan tambe. El a bisa cu poco poco Elmar ta educa su mes buscando informacion kico tin eyfo pa no drenta lama cu cosnan cu nan no conoce y poco poco a yega na conclusion cu berdad ta bon pa usa e luznan tipo led pa por baha e consumo di coriente aunke nan ta mas costoso cu e tipo cu ta usando awendia pero despues di un par di anja ta saca e placa bek, pa motibo cu nan ta usa por lo menos 60% menos coriente cu e tipo convencional.

Boekhoudt a splica cu mester bay moderniza e contract cu tin cu gobierno di tal manera cu por inclui dentro di esey e luznan di caya y tambe otro luznan cu tin riba terenonan publico, por ehemplo esnan cu no ta cay bao Elmar pero bao di DOW. El a duna di conoce cu a drenta un peticion pa Elmar encarga cu tur e luznan aki tambe y pa hinca esaki dentro di e modernizacion di e contract y nan ta bezig cu esaki, fuera cu ta bay implementa LED. Ta asina cu si mester haci cambio di infrastructura pa e cambionan di luznan di caya gobierno ta bay paga esaki pa Elmar. Esaki den sentido cu e compania ta haci e inversion pero si Elmar ta pone 100 luz di caya e ta cobra no solamente pa e luz y gasto di coriente pero tambe pa e palo di luz den un sistema di tarifa. El a splica cu gobierno lo haya dos tipo di tarifa, un pa e luznan y otro apart pa e palonan di luz. Esaki ta un manera diferente cu esun cu a traha te awor.

Leo Boekhoudt a bisa cu e no ta ningun problema y cu asina ta scapa gobierno di inversionnan direct cu mester haci pa pone palonan di luz, core cable, etc., y di otro banda ta duna Elmar mas inversion y nan ta tene cuenta cune. Tur anja nan ta haci inversion pa ehecuta tur proyecto cu ta necesario pa drecha e parti di luznan na Aruba.

Comentarionan (3)

Duna Comentario y/of Comparti riba Social Medi

Mustra/Kita e formulario di comentario

Nomber

Email

Comentario

smaller | bigger

Subscribe via email (registered users only)

I have read and agree to the Terms of Usage.

Duna Comentario y/of Comparti riba Social Medi