| Xiomara Ruiz-Maduro (MEP): Ni Gabinete Eman, ni Dialogo Social tin e autoridad pa perhudica Pueblo pa keda sin ricibi e rebaho di prijs di awa manera WEB a priminti |
 |
 |
| Tuesday, 31 July 2012 19:29 |
|
Na su lugar Ministernan Eman y De Meza a sali bisa Pueblo cu e rebaho di prijs di awa mester wordo trata promer den Dialogo Social dia 7 di augustus proximo y cu tanten e prijs di awa no ta wordo baha manera WEB a anuncia. E mester ta cla pa Pueblo, cu ni Gabinete Eman, ni Dialogo Social tin e autoridad pa perhudica Pueblo pa keda sin ricibi e rebaho di prijs di awa manera WEB a priminti. E anuncio di Gabinete Eman di no laga WEB rebaha e prijs di awa manera nan a menciona, ta prueba palpabel cu Gobierno via Utilities y awor tambe via e Dialogo Social ta hincando su man den WEB y kier sinta riba e stul di e Director y tambe di e Hunta Comisario di e compania estatal aki, siendo cu Gabinete Eman no tin e autoridad pa haci tal. No ta pornada cu hopi aña pasa WEB a bira un NV di Gobierno pa asina evita metemento politico den e compania aki cu su meta primordial ta produci awa pa nos Pueblo na un prijs pagabel. Pesey awe ta masha cuestionabel cu Gabinete Eman kier midi su mes e autoridad di stroba WEB di duna Pueblo un rebaho di prijs di awa conforme e meta pa cual e compania estatal a wordo institui. Si WEB, conforme cu e statuutnan cu ta goberne, anuncia un bahada di prijs di awa cuminsando promer di juli, Gabinete Eman mester acepta e rebaho aki y no tin autoridad pa revoca e decicion aki cu ta trece un alivio pa e Pueblo su cartera. E cuenta di Gabinete Eman di bay sconde tras di Dialogo Social pa busca sosten pa revoca e decicion di WEB pa brinda e rebaho di prijs di awa cuminsando na juli, tampoco ta brinda Gabinete Eman e autoridad pa haci tal. Pasobra Pueblo no a vota pa Dialogo Social tuma decicion pe, Pueblo a vota pa Parlamento di Aruba tuma decicion pe. Y nos mester ta conciente cu Parlamento di Aruba tampoco tin e autoridad pa bay sinta riba e stul di e Director of e Hunta di Comisario di WEB pa tuma decicion pa nan. Nos mester remarca cu e modo di proceder di Gabinete Eman den e asunto aki ta masha cuestionabel. Vooral pasobra den eleccion nan a priminti e Pueblo aki di baha prijs di awa y coriente as of day one, 3 aña a pasa y nada, pero awor cu WEB a anuncia cu e prijs di awa por baha, diripiente e mesun partido aki kier perhudica Pueblo door di pone un paro na e rebaho priminti. E cambio di actitud aki no ta normal. Nos tin un presentimento cu e paro aki tin di haber cu e hecho cu Elmar si no por anuncia un rebaho di prijs di coriente, pa e simpel hecho cu e compania di distribucion di coriente ta financieramente mal para, danki na e sponsoring di e actividadnan berde di Gabinete Eman y na e pago di dividend na Utilities pa por cubri e otro gastonan di Gabinete Eman. Pesey awor Gabinete Eman kier bay sconde tras di e Dialogo Social pa mustra cu Elmar no ta bay bon y cu WEB mester yuda Elmar door di keda cobra Pueblo un prijs halto pa awa. Cu tempo nos lo haya sa si e presentimento aki ta cuadra cu realidad. Pero pa awor ta sigur cu, ni Gabinete Eman, ni Dialogo Social tin e autorirdad pa perhudica Pueblo pa keda sin ricibi e rebaho di prijs di awa manera WEB a priminti. Comentarionan (12)Mustra/Kita comentarionan ...
SI ta compania di Gobierno anto pakiko mester warda dos luna mas pa aplica rebaho? Ta pa pueblo gobierno ta traha of ta pa nan sako? NO papia mes di aumento di 22% pasobra den tres anja e aumento di awa, cu corriente y gasoline tbt mas cu 50% cada un. Boso ta AVP verziekt cu boso No ta Mira e cosnan aki? Bai papia cu WEB y Elmar y puntranan cuanto hende no por paga nan awa y corriente mas compara cu anjanan prome cu 2010.
,
August 01, 2012
...
PUEBLO por observa cu SIMPATIZADORNAN y PRBECHADORNAN di GOBIERNO, despues cu nan a DESTRUI e Nivel na CANAL 90 den PUEBLO na PALABRA, cu a haci cu e MASA a SWITCH e DIAL y awo ta SINTONIZANDO y participando den BOCA NA PALABRA na TOPFM 95, cu ta un programma te awe, na un NIVEL HOPI HALTO, awo ta dirigiendo nan mes pa di mes manera purba DESTRUI e seccion di COMENTARIO aki na 24ora.com, cu comentarionan hopi bow di NIVEL...PUEBLO no ta KENS mas manea na anja 2009, sino ta PENDIENTE di tur cos y ta CASTIGA! Manera semper den corto TEMPO, tur ta den PRULLBAK!
,
August 01, 2012
...
@anti -pro-aruba, PUEBLO henter, a worde tuma haci KENS, den campaña 2009, cu e LIDER DI AVP, dunando PROMESANAN cu FECHANAN Y PORCENTAHENAN di un reduccion di Prijs di Awa y coriente, cu ya mester a worde cumpli, y te awe No a worde cumpli y no tin SPERANZA tampoco cu nan lo worde cumpli. Pues Baha na awa!
,
August 03, 2012
Duna Comentario y/of Comparti riba Social Medi |
Mustra/Kita e formulario di comentario
