| ATV treciendo innovacion den programacion deportivo |
 |
 |
| Tuesday, 31 July 2012 19:31 | |||
|
E Weganan Olimpico ya ta andando den su totalidad na Inglatera y por sinti e sensacion y atencion pa deporte tur parti mundo y Aruba sigur no ta un excepcion. A prepara un cobertura completo den cual ta combina e transmision di NBC for di Inglatera hunto cu invitadonan local den studio. Dialuna ultimo a invita Sue-Gin Arends pa compaña Cadochi Kock den e segmento di natacion. ATV canal 15 a cuminsa cu un programa desde prome cu e olimpiada a inicia, informando henter pueblo di Aruba di e gran acontecimento aki. Despues di un apertura espectacular, brindando mundo henter un show di kita sombre, awo London ta anfitrion di hopi hende y ATV hunto cu Cadochi Kock ta treciendo parti di e eventonan deportivo mas gusta y mira. Durante e programacion di dialuna ultimo, Cadochi a enfoca su programa riba e mundo fascinante di landamento y tabatin e landado, Sue-Gin Arends di 15 aña, como invitado. Sue-Gin a inicia den e deporte di landamento desde cu e tin 6 aña y na varios ocasion a logra obtene titulo di campeon den su categoria, tanto nacional como internacional. E cantidad di medaya ta surpasa 300 y tin mas o menos 20 trofeo como miho atleta di categoria, como tambe record di categoria. Su specialidad ta backstroke y fly, pero desde aña pasa a sufri un lesion y asina mes a sigui train y landa, pa representa su pais internacionalmente. Actualmente e ta riba tratamento pa recupera 100% y asina bolbe den awa, pa continua cu su deporte. Di e forma aki, ATV ta habri porta pa nos hobennan profila nan mes y alabes conta un poco mas di un deporte, demostrando cu nos hobennan tambe por contribui na e mundo deportivo di un forma diferente. Pueblo di Aruba por sigui spera mas di nos hobennan a traves di Canal 15, hibando e pasion di deporte den tur hogar.
Comentarionan (2)Mustra/Kita comentarionan Duna Comentario y/of Comparti riba Social Medi |
Mustra/Kita e formulario di comentario
