Aki, hunto cu algun miembro di Plan BoBario, a tuma nota di e trabounan necesario pa asina por cuminsa planea kico ta bay wordo haci y con.

Gabinete Eman kier percura pa tur cos, pero lamentablemente no ta conta cu e recursonan necesario. Sin embargo, no a laga esaki bira un obstaculo y proactivamente ta acudi na empresarionan grandi di comunidad pa busca nan sosten. Afortunadamente, un bes cu ta mira cu ta un plan na beneficio di comunidad y cu tin bon boluntad su tras, ta haya bon reaccion. Prome Minister Mike Eman cu a splica cu “Thiel Corporation a duna di conoce cu nan ta dispuesto pa coopera pa traha un looppad rond di e veld, y asina duna e ciudadanonan e oportunidad di cana rond di e veld di un forma mas placentero y adecuado.” Representante di e compania a papia cu e lidernan di bario y a wak pa su mes kico ta necesario pa e trabounan por cuminsa.

Adicionalmente, Prome Minister Eman a combersa cu president di e directiva temporario Sr. Delo Maduro riba e posibilidad di nivela e veld pa e por wordo uza bek pa entrenamento y weganan di futbol. “Nos kier trece e bario bek na e club cu tabata orguyo di e habitantenan di 20, 30 aña pasa,” Sr. Maduro a splica. E plan tambe ta inclui rebiba e ekipo di futbol den tur su categorianan; algo cu e bario semper tabata apoya hopi. Tambe kier stimula actividad fisico pa persona di tur edad. “Nos kier wak bida bek riba e veld, pero den e clubhuis tambe.”

Prome Minister a splica cu tur e trabounan na veld di Universal ta cay parcialmente bou di Plan BoBario pero principalmente ta conta cu e trabou di boluntarionan di e bario y di otro districtonan. Esaki no ta algo nobo, pero un movimiento cu ya caba ta dunando fruto den otro bisindarionan manera Weg Seroe Preto y Kadushi Largo. Esaki ta boluntarionan cu ta dispuesto pa duna nan tempo y esfuerso pasobra nan tambe ta kere den e vision di Gabinete Mike Eman di mehora nos isla por completo pasando bario pa bario y dunando otro un man pa hisa e calidad di bida di tur habitante. Prome Minister a bisa cu “Unda cu nos por crea un mehoracion di e circunstancianan pa e bario di Pos Chikito, nos ta haci'e cu curason grandi y nos ta contento di mira cu e bario mes tin personanan cu ta lidera e esfuersonan pa mehora e condicion di e facilidadnan den bario.”

Sr. Delo Maduro ta sumamente contento cu e bishita di Prome Minister. “El a mustra hopi interes. El a bin cu e infra-team, nan a mira e situacion di cerca; no solamente riba papel den oficina. El a cana mira en berdad y e ora e tin un miho bista di kico e necesidad di e bario, di e veld ta. Nos ta masha gradici cu riba un tempo cortico nos a haya bishita di dje y e interes cu e Minister ta mustra pa yuda, nos ta masha contento cu'ne.”

E president y directiva di S.V. Universal ta spera cu pronto por mira e trabounan cuminsa y cu pa October nan lo ta andando of por ta, cla caba.

Comentarionan (2)

Mustra/Kita comentarionan

...

Awor cu eleccion 2013 ta jegando despues di 3 anja gabinete eman a destrui deporte ta core campanja cu trabow nan cu mester a wordu hasi pa lotto pa deporte !Hopi tristo pasobra mas panort bai abow tin 2 parke di beisbol pa nos hubentud cu gabinete eman a neglisha politicamente !

babalu , August 01, 2012

• 
• +23
• 
• 

... , Low-rated comment [Show]

Duna Comentario y/of Comparti riba Social Medi

Mustra/Kita e formulario di comentario

Nomber

Email

Comentario

smaller | bigger

Subscribe via email (registered users only)

I have read and agree to the Terms of Usage.

Duna Comentario y/of Comparti riba Social Medi