Den un entrevista cu Minister President Mike Eman, nos a puntre su opinion tocante e declaracion di Booshi Wever cu e proyecto di hospital nobo ta corupto, y cu esaki mester bay Parlamento. El a splica cu un parti di e proyecto ta bay Parlamento, pa gobierno haya autorizacion di pa por cera un acuerdo di lease cu SOGA. Ora hospital ta cla gobierno tin cu lease cu SOGA, cu ta e instancia cu gobierno tin diferente acuerdo di lease di otro construccionnan.

Pa esaki tuma lugar pa cinco anja, mester bay Parlamento pasobra esey ley ta stipula, y e ta na caminda caba pa Staten y SOGA ta dicidi con ta bay invita esnan cu ta bay construi. Segun prome minister, SOGA por escoge pa bin cu un bidding y invita tur hende, of por invita esnan cu nan ta kere cu ta califica pa traha un hospital. Prome minister a splica cu esaki ta e responsabilidad di un fundacion di gobierno completamente independiente, na ken gobierno ta duna un lease contract pa nan haci e construccion. Kiermen cu SOGA ta dicidi riba e proceso caminda cu nan ta invita tur hende den besteding pa traha algo cu segun nan ta rekeri di cierto specializacion, of si ta selecta esnan cu nan ta kere cu tin e specializacion pa haci esey. Esaki gobierno ta laga na nan, y gobierno tin e responsabilidad di informa Parlamento di e motibonan pakico SOGA ta bisa cu nan ta escoge un of otro. Mike Eman a splica cu Gobierno tin tur confianza den e profesionalismo y integridad di SOGA, y cu e procedura cu nan ta sigui no ta pa beneficia un hende pero pa saca e mihor producto.

Comentarionan (2)

Mustra/Kita comentarionan

...

pakico no por a design un hospital style mericano? pakico e hospital meser keda cu e style hulandes cu ta parce manera un graveyard. e design mes ta bisabo. my final destination. Aruban Hospital!

Correction , August 02, 2012

• 
• +11
• 
• 

...

Esta un kos cu nos PM, e instancia independiente pa dicidi, cu tur respet pero stop di ta tapa corrupcion, bo persona como PM mester sa mihor cu ta instancia di Gobierno, i mester tene su mes na regla, pero aun asi como PM bo mester zorg pa tur kos bai transparente, pasobra ki ora bo persona cuminsa sconde tras di "instancia independiente" PM no ta laga mi pensa nada otro cu PM tambe ta ganja i sconde corupcion, ban ta serio!

dunesukos , August 02, 2012

• 
• +11
• 
• 

Duna Comentario y/of Comparti riba Social Medi

Mustra/Kita e formulario di comentario

Nomber

Email

Comentario

smaller | bigger

Subscribe via email (registered users only)

I have read and agree to the Terms of Usage.

Duna Comentario y/of Comparti riba Social Medi