| Daniella van den Berg a duna un presentacion aceptabel den e 800m estilo libre |
 |
 |
| Thursday, 02 August 2012 13:10 | |||||||||
 Weganan Olimpico di Londres 2012 a continua den su di septimo dia, unda e unico representante femenino pa Aruba, Daniella van den Berg mester a landa den su disciplina esta e 800m freestyle.
Daniella a landa den e prome heat den lane number seis. Henter e delegacion di Aruba cu entre otro presidente di COA Sr. Roy Mezas y secretaria general Nicole Hoevertsz a bini y apoya Daniella. Mester bisa cu Daniella a inicia su recorido riba e 800m freestyle cu un record personal di 9.18.88. Prome cu e competencia a tuma lugar, e landador van den Berg a mustra un tiki nervioso pero si determina pa logra un bon prestacion den e Olimpiada aki. Su meta tabata pa logra mehora su tempo den un bon forma. Hunto cu otro cuater competidora Daniella a start su careda, na mitad di e competencia Daniella tabata mustra ariba un bon ritmo y cu e oportunidad di mehora su tempo personal, pero na final e landadora no por a remata y ta keda cortico pa e mehoracion personal, ora e ta marca un tempo di 9.23.11, cual ta casi cinco seconde riba su personal best y ta finalisa un di tercer lugar den su heat. Segun Daniella ela sinti su mes bon na comienzo, pero na final ela perde e concentracion y focus riba su tecnica, kizas un motibo pa kiko e ultimo parti di e competencia no a bai manera ela spera. Durante e entrenamentonan na Londres ela landa algun seconde bou di su record personal. E mes nos sa kiko realmente a bai robez, aunke su desapunto tabata bisto di no a logra mehora su tempo personal. Pero si e tabata un great experiencia pa prome bez landa den un competencia Olimpico, e no ta facil den un luga cu e asina hopi publico. Mester traha mas duro awo pa e siguiente ciclo si kier mehoracion. Por ultimo tin cu remarka cu durante di e careda e comentaristanan di e careda a elogia e corahe di Daniella, unda cu su apenas 16 anja di edad a bini y competi den un wega grandi manera ta esun di Londres 2012.
|
Mustra/Kita e formulario di comentario
