Durante su bishita na e celebracion di dia nacional di Peru, Prome Minister Eman a presencia un colonia cu ta uni pero cu tambe ta hopi incorpora den e comunidad Arubiano. Ora el a wordo invita pa dirigi algun palabra, el a gradici esnan presente no solamente pa e apoyo, pero tambe pa e trabou cu ta wordo haci dia’den dia’fo na bienestar di e isla, cu e palabranan “Danki pa construi hunto cu nos e futuro di Aruba.”

E prome mandatario den su discurso a referi na e maneho di su Gabinete y con esaki ta traha di un forma diferente enfocando riba e bienestar di tur hende riba e isla. “Nos a haci un compromiso cu boso, pasobra nos no ta traha a base di un filosofia politico, pero di un filosofia humanitario. “Educacion ta un derecho humano cu no por wordo nenga na ningun criatura. Y asina lo ta tanten cu nos tin algo di bisa riba e isla aki.” Esaki tabata parti di e discurso sincero cu Prome Minister Mike Eman a duna pa e comunidad Peruano residencia na Aruba. Recientemente e colonia Peruano riba nos isla a celebra e di 191 aniversario di independencia di e pais Latinoamericano. Prome Minister Mike Eman a atende e celebracion social cu a tuma luga na Centro di Bario Playa Pabou cu a inclui musica y baile folklorico. “Ainda nos tin hopi pa haci na nos pais, y nos ta invita boso pa forma parti di esaki.” Aki Prome Minister a referi na tur e trabounan cu ta wordo haci rond di Aruba pa mehoracion di e infrastructura y bida social den e barionan. Mescos cu otro nacionalidadnan predominante na nos pais, Peruanonan ta presente den e diferente sectornan di nos bida manera comercio, horeca, construccion, etc. Hunto manera un solo pueblo, y cu guia y vision di Gabinete Mike Eman, ta sigui hiba Aruba dilanti y posicione como ehempel den henter e region.

Comentarionan (5)

Mustra/Kita comentarionan

...

Y Prome Minister a bai DRECHA su registracion caba na SENSO y EDUCA otro amigonan di otro PAIS, cu LEY TA EXIGI, cu cada ciudadano MESTER ta registra na SENSO, unda e ta pasa anochi? Kon Prome Minister Eman por educa e stranheronan cu kier haci Aruba nan pais di biba, si e mes NO ta cumpli cu LEY? Te hasta su propio registracion den PAIS ARUBA ta un BARBARIDAD. Desc*lpa na PUEBLO no ta SUFICIENTE, sino pone man na obra y CUMPLI cu LEY!

!!!BERDAD!!! , August 03, 2012

• 
• +29
• 
• 

...

Sr Eman tin basta luna ta campanjando duro na Aruba y henter mundo. Gastando nos placa di belasting keto bai. Pero no worry eman....awe bo ta play grandi pero otro anja nos ta mandabo cas hunto cu bo bootje y tur bo loconan berde den parlamentario. Keep Smiling!!

Helder Petite , August 03, 2012

• 
• +25
• 
• 

...

Hasi makakeria. UNda bo ta durante e inaugurashon di Avion di Tiara. Esei si ta algu cu ta bon pa pais Aruba y abo ta kana ta braza y sunchi stranjero. UNda bo tbt durante nos fiesta di dera gay? of nos c*ltura no ta importante pabo? Duna hende rabia Ohm.

avatar , August 04, 2012

• 
• +16
• 
• 

... , Low-rated comment [Show]

...

E macaco berde sacando portret atrobe. minister kesha-camara, bay traha!

N'e Chambonan y mas... , August 05, 2012

• 
• +13
• 
• 

Duna Comentario y/of Comparti riba Social Medi

Mustra/Kita e formulario di comentario

Nomber

Email

Comentario

smaller | bigger

Subscribe via email (registered users only)

I have read and agree to the Terms of Usage.

Duna Comentario y/of Comparti riba Social Medi