| E Asociacion Caribense di Cable y Telecomunicacion (CCTA) ta otorga donacion special na Clown Dokters via Setar |
 |
 |
| Friday, 03 August 2012 15:45 |
 E aña aki Clown Dokters a ricibi un check di $1,000 como donacion for di e programa di e associacion “Community Charities Program”. Clown Dokters a keda nomina door di SETAR cu ta miembro di CCTA y e compania di telecomunicacion di Aruba.
Caribbean Cable and Telecommunications Association (CCTA) tur aña ta haci un rifa special durante di nan conferencia annual den cual ta pidi nan miembronan pa contribui na un bon causa. Di e fondonan recauda di e conferencia, na su turno ta pidi pa e miembronan tambe nomina un organisacion cu ta traha pa comunidad den cada pais. Ya pa varios aña caba SETAR ta nomina organisacionnan cu ta traha pa comunidad y nan ta ricibi un donacion. E aña aki a toca turno na Clown Dokters cu ta un organisacion di boluntarionan cu ta bishita e departamento di mucha na Dr. Horacio Oduber Hospital dos biaha pa siman. Tambe nan ta trece alegria na dos fundacion pa studiantenan mentalmente y fisicamente incapacita, esta dununman y Bibito Pin. Tambe nan ta bai Maristella, bishitando nos ancianonan kendenan ta aprecia e atencion di e payasonan aki. Nan ta entretene e muchanan na Casa Cuna cu no tin caminda di bai den fin di siman tambe tur diabierna atardi. E Clown Dokternan ta practica salud mental y nan a pasa den un training specifico pa por funciona como tal. E CCTA’s Community Charities Program, ta establisi desde 1993, y a otorga donacionnan di mas di $267,000 den Caribe desde su existencia. 14 compania a keda nomina pa un donacion di 1000 dollar. Nan ta: Bermuda CableVision; BVI Cable TV; Caribbean Broadcasting Corporation di Barbados; Choice Cable TV di Puerto Rico; Innovative Cable TV St. Croix; Innovative Cable TV St. Thomas-St. John; Liberty Cablevision di Puerto Rico; St. Lucia Cablevision (LIME); St. Maarten Cable TV; SETAR di Aruba; The Cable di St. Kitts; T.V. Distribution Systems di Curacao; WestStar TV Limited of the Cayman Islands; and Wireless Telecommunication Network di St. Maarten. Riba e potret por mira momento cu e representante di Clown Dokters Esmeralda ta ricibi e check di CCTA for di man di Ursula Geerman hunto cu Andreina Kock y Suzy Maduro di SETAR.
|
Mustra/Kita e formulario di comentario
