| Parlamentario Eugene Cleopa: A yega na e situacion cu no por mas |
 |
 |
| Friday, 03 August 2012 20:33 |
|
Den un comberrsacion cu Cleopa el a bisa cu como politico – parlamentario tin tarea pa salvaguardia interes di comunidad por medio di e maneho cu a wordo stipula door di Gobierno cu nan lo hiba. E ta splica cu for di 10-10-10 a traha un acuerdo politico cu tabata sostene y cu ta bisa cu mester realisa algun cambio sumamente importante na interes di pueblo. Como cu e partidonan cu a forma Gobierno cune ta nobo, mester a traha pa yega na un modus operandi pa por conoce otro, confia otro mas tanto posibel y logra obhetivonan como politico y di partido. Den cuadro di esaki, e ta bisa, cu nan a duna e Gobierno tur espacio pa cumpli cu e puntonan di salida di e Gobierno. Pero lamentablemente, e ta sinti, cu tabata wordo stroba pa masha hopi motibo cu no ta cumpli cu e espirito di e programa cu a pone pa cumpli cune: Soberano, Solidario, y Sostenibel. Den e cuadronan ey maneho cu ta wordo hiba cu no ta cumpli cu e concepto pero ta hiba e proceso di gobernacion hopi den discusion. Ademas di esey no tabata logra ehecuta y haci e cambionan cu MAN kier mira riba tereno social, enseñansa y aserca a bini e instruccion cu a wordo duna door di Hulanda. Cleopa ta bisa si e instruccion tabata tin base of no, e ta parti di e proceso cu mester tene cuenta cune. Y e ora ey como Gobierno si tuma e decision pa haci enseñansa por nada, ta normal cu pa su persona y su partido ta pisa si esaki a wordo atendi segun e concepto di bon gobernacion, di ta solidario y sostenibel. E situacion awor ta cu e muchanan ta den un incertidumbre pasobra Gobierno no a logra atende e asunto aki na un manera responsabel. Aparte di esey, Gobierno tabata wordo torpedea tur dia cu agresividad y atakenan entre nan mes. Pues cu opositornan interno, cu ta haci dificil pa atende e situacion. Pesey a yega na e conclusion cu ta suficiente. Comentarionan (4)Mustra/Kita comentarionan ...
Kisas a bira tempo pa laga pueblo participa mas den decishonnan grandi. Si gobierno-parlamento ta usa mandato di pueblo pa goberna pa bienestar general, pero ta tuma paso na beneficio di comercio usando desgracia di pueblo como excusa, anto di nada bon e mandato ta sirbi. Rond mundo tin varios modelo pa gobernashon cu por adopta, den cual ta pa medio di referendum/votashon ta dicidi si cierto leynan ta pasa of no. Den e sistema aki tur detaye mester wordo splica na pueblo, prome cu pueblo vota riba decishon final. Tambe accounting abierto (on-line) di tur departamento/ empresa gubernamental lo yuda hopi den tene cuentanan riba bon caminda y evita tentashon pa haci malo cu placa di pueblo.
,
August 03, 2012
...
Segun testigonan na Curacao, e persona ariba, dI apenas 20O voto, a sera un PACTO cu partido PAR, pa tumba GOBIERNO y a hacie'e tambe! E ta zona igual cu aki na ARUBA caminda, 2 dama parlamentario, di e partido mas grandi den OPOSICION, a bandona LINJA DI PARTIDO, y a vota cu GOBIERNO, den parlamento pa MASACRA nos como CIUDADANO. PUEBLO, pensa esaki, cu si MEP a gana eleccion na 2009, e GOBIERNO DI MEP, tambe lo a cai pa motibo di TRAICION! CONTRARIO na Parlamentario Wever, cu a distancia di Partido MEP, pero No di e pensamentonan, ni LINJA DI PARTIDO, cu ta sigui e gran Lider qepd, Sr BETICO CROES, y cu PUEBLO ta APRECIA!
,
August 04, 2012
Duna Comentario y/of Comparti riba Social Medi |
Mustra/Kita e formulario di comentario
