|
Tangana den Forti a hera caba na partimento di sla |
 |
 |
|
Saturday, 04 August 2012 14:11 |
|
Diabierna net prome cu merdia tabata tin un situacion den Forti. Mientras cu prome minister Gerrit Schotte tabata bezig cerca gobernador un homber a bin insulta dos miembro di prensa. E dos miembronan di prensa Cooper y Castro kendenan ta masha conoci na Curaçao a wordo yama pa ladron.
Algun aña pasa nan a purba yuda e homber di edad cu un problema cu e tabata tin. Tabata tin diferente encuentro e tempo ey y te hasta nan a bay su cas. A tuma documentonan cu e tabata tin pa purba sak'e for di su problema. Finalmente e problema di e ciudadano no por a wordo soluciona. Segun e dos periodistanan Cooper y Castro, nan a entrega e homber tur su documentonan bek. Asina mes e homber cada biaha ora mira nan ta tildanan di ladron. E ta insisti cu nan a horta su documentonan pasobra no a entrega tur documento bek. Diabierna e expresion aki e homber a haci net ora cu ambos periodista tabata den Forti. Expresionnan aki dilanti di mas colega di prensa a cay den masha mal tera y a hera bay for di man. Cooper a bisa e persona di edad pa e mira bon kico e ta papia y si ta asina splica e hendenan kico exactamente e ta expresando pa hende no pensa un cos pa otro. Tambe Cooper a bis'e cu e lo no dale of pone man riba dje pasobra e ta respeta su edad. Na dado momento camaranan tabata draai y e homber di edad cu tabata insultando e dos miembronan di prensa a para den camara y cuminsa expresa su mes. Prome cu esey ainda Castro a bisa Cooper pa no perde tempo cu e homber cu tabata gritanan. Pero na dado momento cos a hera bay for di man ora e ciudadano a para dilanti di camara y menciona cu Cooper y Castro ta ladron. Aki Castro no a aprecia pa uza su nomber asina y a bay atende personalmente cu e ciudadano. Na dado momento a tira man riba e homber tambe pero dilanti tur camara un ex colega di prensa a interveni y siguridad di Gerrit Schotte tambe a cay aden. Nan a mustra e persona di edad cu tabata haci ofensa pa cuminsa mustra respet y no bin den Forti busca problema. A core cun'e for di e sitio y bis'e problema personal di atende cun'e pafo. Autoridad presente no a mishi cu e homber pero a papia seriamente cun'e.
 |
Mustra/Kita e formulario di comentario
