| Red Machine vs. Indians |
 |
 |
| Saturday, 04 August 2012 15:12 |
|
Indians, como e equipo di cas e anochi aki, a start e partido cu Aldemar Betrian. Di otro banda, Red Machine ta cuminza e partido aki cu Luis Roman. Ambos pitcher a start e partido hopi skerpi cu rectanan siguramente basta strak. Tawata Red Machine cu a logra pone e promer careda ariba scoreboard ariba un hit di Amadeo Nicolaas den cabes di inning number 3. Den e mesun inning aki, Red Machine ta probecha score un bes mas y ta bai ariba 2-0. Roman di su banda a mantene offensiva poderoso di Indians keto e anochi aki pa e promer 6 inning unda cu simplemente e la overpower e Indjiannan y siguramente a conta cu un tremendo defensa su tras e anochi aki cu hugada ala Gold Glove. Nos por a wak un tremendo hugada di e Centerfielder mas consistente na Aruba esta Ambiorix Hernandez unda cu e la corre y logra gara un flyball te den warning track. Tambe nos por a wak un diving catch di Carlos Yrausquin na shortstop pa asina kibra un rally y cera inning. Bayendo bek den cabes di inning number 6, Red Machine ta logra hinca un careda mas di seguro ariba un doblete strak pa rightfield di Carlos Ponce. Siguramente un careda cu a demonstra di ta sumamente importante. Den bom e ultimo inning, Indians tawata enbusca di rally y asina walkoff e anochi aki. Despues cu Indians ta logra pone nan promer bateador di e inning riba base por medio di hit, Red Machine ta haci un cambio di pitcheo y ta trece e propio DH Carlos Ponce riba monticulo pa asina cera e wega. Ponce ta cuminza un poco wild y hunto cu un hit, Indians ta logra score nan promer careda e anochi aki. Cu 0 out ainda, Red Machine ta mustra confianza den e hoben aki pa asina hala faha mara y caba cos. Ta logra saca e promer out di e inning por medio di un flyball. Siguientemente, ta logra saca e di dos out simplemente locual por wordo yama e ‘webgem’ te ainda di 2012 unda cu e segunda base di Red Machine, Marckson Castro, ta haci un dive y ta atrapa un linja cu tawatin tur e ingredientenan pa asina empata e partido. Siguramente un atrapada cu tur publico presente a goza di dje grandemente. Despues di saca e promer 2 outnan, Ponce ta laga su mihor tres pitcheonan di e anochi aki unda cu e ta pasa 3 recta un tras di otro pa asina poncho Francis Kelly cu no por a logra haci contacto e turno aki. Asina aki tambe, Red Machine ta sali victorioso e anochi aki y ta e equipo cu ta mantene nan invicto den 2012. Na final di e promer rond di baseball AA 2012, no ta cuanto careda anota y encontra cu un equipo por tin pa asina por bisa cu nan tin dominio. Na final di cuenta, simplemente weganan gana y perdi ta conta den baseball. Siguramente e energia nobo y hoben cu Red Machine a presenta den 2012 ta hacienda furor y for di akinan kier a manda un invitacion cordial pa nan siguiente partido cual lo ta tumando lugar Diaranson anochi na Stadion na Santa Cruz pa excatemente 8or contra Oranjestad Stallions. Cu e partido aki Red Machine lo ta en busca pa continua nan racha di invicto… Chuuu Chuuu Comentarionan (5)Mustra/Kita comentarionan ...
@ chell. Bo ta ripara cu e derota a hasi hopi d**or. Sigi Chill numa pero boso tapatapa a wordo kibra door di Red Machine. Chu Chuuuuu.
,
August 04, 2012
Duna Comentario y/of Comparti riba Social Medi |
Mustra/Kita e formulario di comentario
