|
Comerciante atraca brutalmente den su propio cas |
 |
 |
|
Sunday, 05 August 2012 09:58 |
|
Un atraco arma riba habitantean den nan cas na Camay a sosode den careda di 2:15 di diadomingo marduga. Dos atracador di cual uno arma cu arma di candela y otro cu arma blanco a herida un homber doño di cas. Na e cas ta biba un pareha Venezolano cu ta comerciante.
Den nan cas tabata tin un kluis cu basta joyas. E kluis completo e dos atracadornan a baha na awa cune. Polisnan a yega mesora despues di haya e yamada. E victima tabata herida pero no tabata kier bai hospital. A dune asistencia na e sitio mes. Tambe a presenta slachtoffer hulp cu a bin papia cu e famia mirando cu nan a pasa den un susto basta grandi den nan cas. Atraco Team a wordo notifica di e caso aki tambe y a cuminsa un investigacion henter marduga pero tambe henter mainta di diadomingo.
 |
Mustra/Kita e formulario di comentario
