|
BBC London Radio 94.9 a tene entrevista cu atletanan Jemal Le Grand y Jayme Mata como tambe Nicole Hoevertsz di COA |
 |
 |
|
Sunday, 05 August 2012 14:52 |
|
Despues cu algun dia atras e canal oficial di e Weganan Olimpico di Londres, Olympic Broadcasting Services - OBS, a entrevista nos atleta John Carl Henriquez, awo un otro reportero kier a realisa un reportahe di nos delegacion Arubano participando na e weganan.
Ta asina cu e reportero di BBC London radio 94.9, Jonathan Savage, a pidi si e por a haci un reportahe di e atletanan di Aruba mirando hopi biaha na Weganan Olimpico ta e atletanan profesional of di paisnan grandi so ta haya tur e atencion. Pa e motibo aki Jonathan tabata kier pa nos atletanan Jayme y Jemal a conta e radio oyentenan na Londres, kiko e ta pa un atleta di un pais chikito manera Aruba cu ta keda na full e otro banda di mundo competi na e evento deportivo mas grandi na mundo. Tambe ela puntra ambos atleta con nan preparacionnan a bai y kiko tur por spera di ambos pa cu e proximo Weganan Olimpico. Mester bisa cu Jonathan a realisa un entrevista tambe cu secretario general di COA, Sra. Nicole Hoevertsz. Aki ela a puntra Sra. Hoevertsz tocante e importancia di e participacion pa Aruba na e Weganan Olimpico como tambe su rol den e Comite Olimpico Internacional. Ta bon pa bisa cu e reportero Jonathan Savage di BBC London Radio ta un bishitante regular di nos dushi isla di Aruba y su partner ta procendente di Aruba. E cobertura aki sigur ta un bunita propaganda pa Aruba, unda cu BBC London Radio ta goza di un sintonia grandisimo.
 |
Mustra/Kita e formulario di comentario
