Diahuebs atardi Minister di Turismo, Transporte y Labor, Otmar Oduber tabata presente na Fussion pa un ceremonia di honor na señor Luiz Lara kende a ricibi e titulo di Embahador di Bon Boluntad di Aruba. E ceremonia aki a conta cu presencia di entre otro CEO di ATA señora Ronella Tjin Asjoe y CEO di AHATA señor James Hepple.

Luiz Lara a cuminsa representa Aruba na Brazil 25 aña pasa y semper a mustra di ta dispuesto pa juda cu e crecemento di nos pais cu su contacto y influencianan. Luiz ta socio, fundador y CEO di e compania di propaganda Lew Lara cual ta e di 4 compania mas grandi di propaganda na mundo y desde aña 2009 Luiz ta e presidente di e Brasilian Association of Advertising Agencies, como tambe Sao Paulo Association of Advertising Professionals y miembro di directiva di e Brazilian Advertising Association. Durante e ultimo añanan Luiz a ricibi varios reconocimento, entre otro di Planning Professional of the Year, Business Man of the Year, Communications Man of the Year, Advertising Man of the Year y Volunteer of the Year. Minister Oduber a conta cu Luiz ta un persona cu un pasion enorme pa Aruba kende no solamente ta bishita Aruba pa haci negoshi sino tambe frecuentemente ta aki pa vakantie hunto cu su esposa y yuinan. Den nomber di Gobierno di Aruba, Minister Oduber a gradici Luiz pa su sosten y colaberacion y a expresa con un socio ta bira amigo di Aruba, locual Luiz ta sigur pa Aruba y ta conta di lo sigui traha hunto cu e meta pa haci Brazil e mercado mas grandi pa Aruba den e proximo 4 pa 5 añanan.

Comentarionan (0)

Mustra/Kita comentarionan

Duna Comentario y/of Comparti riba Social Medi

Mustra/Kita e formulario di comentario

Nomber

Email

Comentario

smaller | bigger

Subscribe via email (registered users only)

I have read and agree to the Terms of Usage.

Duna Comentario y/of Comparti riba Social Medi