| Minister Dr. Richard Visser: Tur cu ta uza e veldnan deportivo mester yuda den mantencion |
 |
 |
| Sunday, 05 August 2012 18:50 | |||||||||
|
A crea e fundacion specificamente pa mantencion di nos veldnan y a cuminsa cu un inventario completo di tur facilidad. E inventario di e veldnan y facilidadnan a wordo completa na juni y entretanto for di Parlamento a ricibi aprobacion pa un presupuesto di 4.3 miyon florin pa FFD. E team encarga lo percura pa un programa permanente y structura di mantencion periodico di e facilidadnan, bao maneho di FFD.Minister di Salubridad Publico y Deporte a haci un recorido na tur e facilidadnan hunto cu representantenan di FFD, dunando asina extra atencion na e trabao cu ta tumando y cu ta bay tuma luga.Na Centro Deportivo Frans Figaroa na Noord, Minister dr. Richard Visser a remarca cu e facilidad aki ta den basta bon estado y loke mester ta simplemente e mantencion normal, cu atencion pa e veld di yerba artificial y e dak cu mester wordo reemplasa aki un pa dos aña. Compara cu tur otro veld, e facilidad aki ta den bon condicion, segun e Minister encarga cu Salubridad Publico y Deporte a comenta."E veld di Centro Deportivo Frans Figaroa ta hopi uza pa e habitantenan di Noord y bisindario, como tambe henter Aruba y mester traha ariba dje, haciendo mantencion continuo pa e sigui den un bon condicion", segun Minister Visser.E mandatario a pidi pa e clubnan, federacionnan y otro organisacionnan como tambe miembronan individual di e comunidad di Aruba yuda cuida e veldnan ora cu nan ta haci uzo di nan.E titular di deporte a splica cu Gobierno semper ta masha zwak den e area di mantencion, pero esaki ta cambia awo pa e facilidadnan deportivo cu e establecimento di FFD, cual mester haci un "inhaalslag" basta grandi awo. Poniendo e 10 facilidadnan bao di un capa ta resulta den un maneho integra pa mantencion, percurando asina pa semper e facilidadnan ta den bon condicion y disponibel pa comunidad por uza nan.Minister Dr. Richard Visser a haci tambe un bishita na Stadion Crismo Angela/Nadi Croes y el a señala cu akinan hopi trabao a wordo haci caba, entre otro a traha riba e net y e parti di mantencion. Segun e mandatario, aworaki lo enfoca riba hisa e murayanan ful rond di e veld pa asina forsa e hendenan pa bay mira weganan den tribuna. Ora cu e publico paga pa bay sinta den tribuna, esaki ta yuda tur e teamnan cu ta hunga akinan recauda un poco fondo tambe.Na cuminsamento tabatin problema cu e luznan di auto como cu esaki tabata stroba e hungadonan di mira e bala bon. Mester a trece specialistanan aden pa mustra kico e foutnan grandi ta cu a wordo haci durante construccion di e veld aki. A resulta cu mester a hisa un parti di e cura pa blokia e luznan di auto y den e siguiente fase lo hisa e resto di e muraya. No ta e intencion pa tin un wega tumando luga den e stadion y e tribunanan ta bashi, tanten cu pafo di e cura cantidad di hende ta para ta wak e weganan, e mandatario a enfatisa.E mantencion ful rond ta sigui na Stadion Crismo Angela/Nadi Croes y awo lo bay pone mas enfasis riba un "update" di e facilidad.Den cuadro cu Aruba a gana e Junior League Latinoamericano, e veld aki ta wordo uza pa entrenamentonan special cu ta tumando luga te ora cu e team bay Michigan. Tin un team tecnico special pa train e muchanan y asina lo yuda den e proceso pa engrandece nan oportunidad di gana tambe na Michigan, Minister Visser a expresa.E maneho di su ministerio pa cu deporte ta inclui e promocion di calidad di atleta riba diferente tereno di deporte. “Semper ta keda na e coachnan y e muchanan pa perform, pero tras di nan tin nan mayornan, e federacionnan, clubnan cu mester funciona optimalmente pa asina e muchanan aki por eherce nan deporte,” e Minister a splica.Un otro facilidad deportivo hopi uza ta Compleho Deportivo Guillermo Prospero Trinidad y aki Minister Visser a remarca cu specificamente e trabaonan lo enfoca riba e dak cu a sufri daño recientemente y e veld mes cu mester mas mantencion.Ta riba e veld aki, Aruba a gana un campeonato internacional den e wega final contra Surnam recientemente y tambe un torneo den final contra Corsou. Asina pa prome biaha den e ultimo 10 añanan nos a marca historia y Aruba a bay riba un ranking diferente, segun Minister Visser a señala.Esaki ta un di e metanan di Minister Dr. Richard Visser tin pa loke ta trata deporte, pa enfoca riba nos muchanan, e calidad di training y maneho cu nan ta hayando. "Aruba ta cuminsa mira e frutonan di loke ta bay spera nos mas laat. Un di e cosnan cardinal ta nos veldnan unda nos muchanan ta hunga. Pa maneha esey miho, ken ta hunga riba nan, con nos ta traha nos veldnan y con nos ta keda cuida nan," e mandatario a comenta. Compleho Deportivo Guillermo Prospero Trinidad ta un veld esencial, pero ademas di esaki tin hopi otro veld manera e veldnan di basket na San Nicolas, por ehempel na Esso Heights ta wordo uza masha hopi mes y cu casi no a haya cuido of no a haya cuido mes. Tin veld na Noord y otronan cu ta hopi uza y cu mester di mantencion.Veldnan grandi, veldnan chikito lo haya mantencion, esakinan mester ta accesibel pa tur hende den tur bario, Minister Dr. Richard Visser a declara
Comentarionan (2)Mustra/Kita comentarionan ...
Miho LAAT cu NUNCA. MANTENIMENTO y inversionnan mester por sigui no importa cua GOBIERNO ta sinta, ya cu GOBIERNO ta un CONTINUIDAD. Sinembargo PUEBLO den TUR e storia ariba, No ta tende NADA di Minister Visser si e ta bai termina e veld cu e GOBIERNO ANTERIOR a laga casi cla na Pos Chiquito. VISSER parce di ta HUNGA Mudo ariba e tema ei!
,
August 05, 2012
...
Sr. min Visser tur hende na Aruba ke mira e veldnan di pos chiquito, termina y habri...nan ta full cla si no tin plaka pa jerba , asina mes nan ta bon. por lo pronto, pa falta di security nan a bai , horta mas di 20 wc completo, 20 labamano, 20 uninal kibrando e potanan zwak di palo. Aki ta unda boso mester biS**ta...BASEBALL TA E DEPORTE TOP NA ARUBA, CU TA PRODUCI FUTURO MAJORLEAGUESNAN....
,
August 06, 2012
Duna Comentario y/of Comparti riba Social Medi |
Mustra/Kita e formulario di comentario
