|
Dignitarionan tambe a bishita e delegacion Arubano na e Villa Olimpico di Londres |
 |
 |
|
Sunday, 05 August 2012 18:56 |
|
Durante di e estadia di nos atletanan na e Weganan Olimpico di Londres 2012, representantenan di nos pais tambe a realisa un bishita di cortesia na e Villa Olimpico. Algun dia atras su excelencia Minister di Salubridad Publico y Deporte Dr. Richard Visser a bishita nos delegacion na e Villa Olimpico.
Aki e atletanan y e demas miembronan di e delegacion a papia cu Dr. Visser riba nan preparacion pa cu e competencia. Despues Dr. Visser y su acompañante a bishita e comedor caminda nan a saborea e cuminda cu e deportistanan ta come. Diadomingo ultimo, Parlamentario Marisol Lopez-Tromp hunto cu su famia tambe a bishita e Villa Olimpico unda nan a encontra cu e delegacion di Aruba. Parlamentario Lopez-Tromp a combersa cu e atletanan pa despues ricibi un recorido den henter e Villa. Tambe a haya e oportunidad di conoce e dormitorio di e delegacion. Pa e delegacion Arubano tabata un honor di por a ricibi bishita di dignitarionan tan importante di nos pais y asina sinti nan mes apoya den nan prestacion deportivo.
 |
Mustra/Kita e formulario di comentario
Hulanda su MP so a bay pa e opening i PM + min di deporte ta bay pa final ora nan gana.
Pero Visser ta bay pa vakantie, anto Mike ta bisa no tin placa. Parlamento mester lanta for di sonjo i para e cos nan aki. Nos tin un gobierno cu no ta traha, pero tambe un oposition di MEP i DR cu no ta sirbi at all. Papia na radio so, pero fuera di esey ta haci nada.