| Emily de Jong-Elhage no a negocia cu ningun partido nada ainda |
 |
 |
| Sunday, 05 August 2012 20:29 |
|
El a bisa cu PAR tin 8 asiento banda di 1-1-1 pero mester bay wak kico ta mihor pa e pueblo di Curacao, cu na final ta esun cu ta bay dicidi ken nan kier pa goberna. El a comenta tin partidonan politico cu ta keda bisa cu PAR ta malo, pero nan no a dune chens pa gobierno ni sikiera un anja, y tur partido cu ta culpa PAR nan tambe tabata hunto cune den e coalicion. PAR ta carga su parti pasobra e gobierno a hiba su signatura. Otronan cu mester a bisa cu kico nan no tabata di acuerdo a sconde cos, envez di para pa nan pueblo manera mester ta y PAR si a haci. Emily a bisa cu PAR ta hopi uni, y si su partido puntre pa e sigui, e ta laga den man di pueblo pa nan dicidi y lo keda manera semper un humilde sirbido, pasobra e si a drenta politica pa sirbi pueblo! Emily a splica cu nunca el a papia personalmente cu sr. Schotte, pero su partido semper a purba di kibra PAR den tur eleccion. Nan a bin cu tres cabes y tog PAR a gana eleccion. E partido di gobierno a bin cu si y no. E si ta cu nan a firma tur locual PAR a negocia pa e structura estatal na Hulanda, caminda nan a haya un suma di concesion cu e gobierno cu a caba di baha a dispidi y awor tur hende por mira na unda Curacao ta para den apenas 20 luna. Tocante su pensamento encuanto independencia, el a bisa cu nan por papia kico cu nan kier pero e 95% porciento di e poblacion, durante e ultimo referendum, a pidi pa autonomia den Reino Hulandes, mey mey di cuatro opcion: un pais autonomo hinca den Antiyas, un status manera Bonaire y independencia. Un 3% a opta pa independencia y tur sobra pa un Status Aparte den Reino, y e ta convenci cu si bolbe pone un referendum, e poblacion ta scoge atrobe pa keda den Reino. El a enumera tur e facilidadnan cu tin den Reino: Parlamento propio, presupuesto propio, control pa gobierno door di Parlamento, caminda cu si haci un bon gobernacion no tin problema. “Tin tres aspecto general so cu Reino Hulandes ta dicidi cu ta defensa di nos teritorio, nos passport, y nos relacionnan exterior”. El a splica cu Reino Hulandes tin rond di 160 embahada of consulado rond di mundo cu nos como parti di Reino tin acceso ora nos mester, y e tres puntonan aki ta cumbini nos. “Sobra di cosnan ta den nos mes man, semper cu haci e trabao manera mester ta”. Danki na esaki nos islanan por traha bon cu tur pais den Caribe y den henter mundo, pasobra nos ta parti di Reino Hulandes. “Ta kico mas nos kier”? |
Mustra/Kita e formulario di comentario
