Alarma a wordo bati pa un boto Aventura cu a sali merdia for di Venezuela pero no a yega Aruba. Avion di kustwacht a sali mesora y ta topa cu e boto biniendo poco poco. Bientonan fuerte ta haci e biahe mas dificil pero finalmente nan tabata yegando Aruba. E boto tabata falta ainda 5 miya pa drenta waf di Barcadera.

Tur hende abordo tabata bon. Tambe e barco di auto cu mester a drenta waf di Playa mester a cancela su entrada. Aki tambe bientonan fuerte tabata haci e trabaonan di entrada imposibe. Lo keda pendiente pa mira si por drenta dialuna y descarga e autonan nobo. Mientrastanto Meteo a manda mensahenan pa tene cuenta cu e rafaganan di biento durante diadomingo te cu anochi pero por sigui tambe durante oranan di dialuna. Aruba Ports ta cordina tur cos den e forma mas profesional posibel pa garantiza tambe e seguridad di tur embarcacion riba lama. Semper nan ta atento tin contactonan mesora cu cualkier ekipo di rescate sea Kustwacht of SARFA cu ta cla pa sali. E foto aki ta e barco di auto cu tabata moviendo pa Aruba pero mester keda warda wak si por drenta dialuna pasobra e biento diadomingo a haci esaki imposibel. Morning Crown ta nomber di e carguero di auto y ta nabega bao di e bandera di Bahamas. E barco tin 57.692 Ton. E tin largura di 20 meter. E ta yegando Aruba for di Republica Dominicana.

Comentarionan (1)

Mustra/Kita comentarionan

...

20 meter? Segun mi algo ta hopi robez cu bo conosimento di distancia. Den 20 meter bo por fit 4 auto

imod07 , August 06, 2012

• 
• +0
• 
• 

Duna Comentario y/of Comparti riba Social Medi

Mustra/Kita e formulario di comentario

Nomber

Email

Comentario

smaller | bigger

Subscribe via email (registered users only)

I have read and agree to the Terms of Usage.

Duna Comentario y/of Comparti riba Social Medi