| Dean Rozier, ex miembro di MFK: “Mi consenshi ta limpi” |
 |
 |
| Sunday, 05 August 2012 22:14 |
|
Dean Rozier ta otro parlamentario cu a dicidi di kita su sosten for di Gabinete Gerrit Schotte. Un decision cu a pone Prome Minister Schotte yega na e conclusion cu e miho decision cu e por tuma ta entrega retiro di su Gabinete y desolve Staten. Den un declaracion ricibi for di Rozier (ex Miembro di MFK) e ta splica cu e sucedido ta un acumulacion di evento cu a caba cu e caida di Gabinete Schotte. Despues di un reunion den seno di partido MSK, Rozier a entrega su retiro como miembro di MFK y tambe su retiro como miembro di MFK den Staten. El a splica cu tin dos aña caba cu a bin ta trahando pa drecha e situacion di Corsou, hopi esfuerso ta y a wordo haci sin mira resultadonan debi na e tantisimo polarisacion, entre e coalicion mes. E indicacion cu el a haya di tur esaki ta cu no ta mustra cu e grupo tin interes pa traha hunto y yega na solucion cu pais Corsou ta confrontando. Rozier a sigui bisa cu el a duna nan suficiente indicacion cu cos no ta bayendo bon, pero tambe den comunidad tin disgusto, den Reino. Corsou a bira un pais di asina tanto conflicto cu no a wordo ocasiona door di e pueblo, y tampoco door di partidonan den pasado, pero di e partidonan eyden awor. Pa esaki tabata suficiente motibo pa wak su consenshi y cu e lo no participa den e tipo di bagamunderianan aki. Mas pasobra e insultonan ta grandi y a entrega su retiro, splicando tur e motibonan. El a rechasa cu su persona ta e causante di caida di Gobierno y a splica cu e Gobierno mester tin 11 asiento ta sostene y for di un siman prome caba, e Gobierno por a conta cu 10 voto so den Parlamento. E ta bisa cu e Gobierno a cay for di dos siman prome ora cu Cleopa a kita su sosten for di e Gobierno. Loke el a propone ta pa e Gobierno no sigui persisti, sigui insisti pero mustra humildad y forma un coalicion cu por sostene un Gabinete di transicion pa simplemente pasa un periodo y yega eleccion. El a bisa cu e no ta mira pakico nan mester keda sinta den e stulnan si mira tur e discusionnan cu tin. Pa trankilidad, mester laga e stul los un rato . “Principalmente pa interes general, interes di pueblo pa paz y trankilidad pa e reforma, mester lanta for di e stul un rato. Y si mi coleganan no tin e asina tanto necesidad di poder, laga los. Bo ta hayabo cu un eleccion mester bini y laga un grupo di experto haci e trabou. Esey ta loke nos kier, duna espacio pa bin trankilidad riba e pais aki.” Roziera enfatisa cu trankilidad ta bini si e partidonan laga los, bay eleccion y pidi e sosten bek y wak kico e resultado ta. “Esun cu traha bon, lo wordo recompense. … Mi mannan no ta sushi y mi consenshi ta limpi pesey mi a pidi pa sostene e plan di expertonan bin maneha te ora eleccion bini bek. Comentarionan (3)Mustra/Kita comentarionan ...
Con un persona cu 200-300 voto por bai elecion? Ken lo bai vota pe? Door cu Rozier politicamente ta morto, e la tuma placa pa basha gobierno abou y alabes segura su futuro. Mescos ta conta pa Cleopa.
,
August 06, 2012
...
E politico aki a yega di topa cu Prome Minister Eman? Pasobra e ta pega pisa cu e VIRUS di BARBARIDAD tambe! Un persona cu APENAS algun voto ariba su nomber, ta dicidi di NO RESPETA e linja di PARTIDO, y enbez di SINTA BOCA SERA, pasobra ta un CABEI BOTO, el a haya pa e ta sinta einan como Parlamentario. E no ni por PENSA y ta bai a contra di TUR cos cu ta LOGICO, pa COMUNIDAD en GENERAL, cu su algun votonan ricibi, NUNCA por pisa MAS, cu e miles di VOTONAN di e partido den un decision di partido?...
,
August 06, 2012
Duna Comentario y/of Comparti riba Social Medi |
Mustra/Kita e formulario di comentario
