| Minister Sevinger: Hoben y boluntarionan preparando rampa pa Skateboard Competition den caya |
 |
 |
| Sunday, 05 August 2012 22:16 | ||||||||||||
|
Den fin di siman Minister di Infrastructura, Integracion y Medio Ambiente, Benny Sevinger a reuni cu diferente persona cerca di centro di Oranjestad, pa planea con por bay mercadea hacimento di compras den centro mas miho den e ultimo lunanan di aña prome cu logra finalisa e trabounan di construccion. E reunion aki a tuma lugar na loke lo bira e cede di Rietveld Academie. Minister Sevinger a declara cu e grupo hunto cu MAMBO a bini hunto, ta planeando e campaña di “Back to School” den cuadro di cual lo bay tin diferente evento. E meta principal tras di tur esaki ta pa stimula e hendenan pa bin haci compras den caya grandi. Un di e ideanan cu a bini despues di e Beach Tennis den caya, a dicidi como comision pa bini cu e proyecto di Back To school. Den cuadro di esaki a pensa pa bini cu un Skateboard Competition. Pa esaki a haya ayudo di diferente hoben cu ta practica e deporte aki. Nan mes a traha nan flyernan invitado e pueblo pa bin e evento cu ta tuma lugar e fin di siman aki y na mesun momento haci e ultimo compranan pa e aña escolar nobo. E grupo di hoben a presenta nan plan di ki material nan mester pa prepara e area y e competencia e fin di siman cu ta bin aki. Ta trahando e rampa den e sede di Rietveld Academie cu ta e luga mas cerca di e area unda e rampanan mester wordo poni. Cu ayudo di boluntarionan ta spera di por keda cla pa diahuebs. Na mesun momento e Minister ta bisa cu tin expertonan biniendo for di afo cu lo yuda den organisacion di e campeonato. E grupo ta yega diamars y diaranson for di Francia y Merca, pa duna clinica pa organisa e evento. Lo ta dos dia di e evento aki riba diabierna y diasabra awo, yena di ambiente. Minister Sevinger a enfatisa cu nan presupuesto ta limita y a haya hopi donacion, pero no tin placa pa paga trahado. Pesey nan mes, inclusive su persona ta yuda un cu por. E rampa lo keda pa e hobennan sigui practica e deporte aki na final di e evento.
|
Mustra/Kita e formulario di comentario
