Dia 8 di September 2012, JCI Aruba ta organiza “Empowerment Seminar” pa di dos anja consecutivo. Esaki lo tuma lugar na Holiday Inn Resort di 9 ‘or di mainta pa 4 ‘or di atardi. Pa e ocacion aki JCI Aruba lo trese Ray Jong A Lock pa ta e facilitador di e seminario aki.

Ray Jong A Lock tin mas di 15 anja di experiencia dunando seminarionan den e area di desarrollo personal tanto na Surnam y tambe na mas di 30 pais rond di mundo. Ray a specializa como I.S.T.M International Master trainer na India, C3 trainer den business planning (GFA), Int. Ent Trainer di trainers & coaches y tambe ta un trainer gradua di Junior Chamber International (JCI). Tema di e di dos Empowerment Seminar ta “Personal Development – the route to success in business, family and personal life”. Esaki ta un training interactivo caminda lo bai trata topiconan pa mejoracion di un persona su rol como leader, manager, coach, docente, tanto den bida personal of profesional. E seminario aki lo yuda un persona desarolla su talento, mejora su calidad di bida y purba di yega na realizacion di su sonjonan. Carchinan ta obtenibel serca tur miembronan di JCI Aruba y tambe por jama e siguiente numbernan: 594-3231; 564-7777; 562-5334; 594-7864. JCI Aruba ta hasi un suplica na un y tur pa reserva nan carchi na tempo, ya cu cupo ta limita. Cumprando un carchi bo ta contribuyendo pa JCI Aruba sigui ofrece e hobennan di Aruba e oportunidad di desaroyo pa crea cambionan positivo. Pa mas informacion di JCI Aruba por bishita e website www.jci.cc/aruba of busca JCI Aruba riba facebook y twitter.

Comentarionan (0)

Mustra/Kita comentarionan

Duna Comentario y/of Comparti riba Social Medi

Mustra/Kita e formulario di comentario

Nomber

Email

Comentario

smaller | bigger

Subscribe via email (registered users only)

I have read and agree to the Terms of Usage.

Duna Comentario y/of Comparti riba Social Medi