| Rene Herdé:“E critica politico riba dialogo social ta infunda y irealistico” |
 |
 |
| Monday, 06 August 2012 08:30 |
 Den e ultimo simannan por a tende miembronan di e partidonan MEP y PDR expresa nan malcontento cu e Dialogo Social. Nan critica a concentra riba e temor cu e Dialogo Social lo ta atende cu asuntonan cu ta politiconan tin cu atende cu’ne, cu door di e Dialogo Social lo evita discusionnan politico y cu e Dialogo Social lo ta wordo uza pa implementa medida riba pueblo.
E opinionnan expresa contra Dialogo Social lamentablemente no tin ningun base racional of echonan pa sostene nan. E argumento y pensamento contra di Dialogo Social ta irealistico tambe awendia. Bo lo spera di tanto un partido manera PDR cu ta bisa di ta boga pa mas democracia (“Democracia Real”) lo ta na fabor di mas participacion di mas sector di nos comunidad den pensa y dicidi riba desaroyo di nos pais y riba temanan cu ta toca nan directamente. Di un partido manera MEP cu ta bisa di ta “social democratico”, Bo lo spera cu nan lo boga pa decisionnan wordo tuma mas cerca posibel di pueblo mes. Pero den nan critica nan ta parce di a lubida e esencia di e Dialogo Social. PARTICIPACION: UN ELEMENTO DI DEMOCRASIA BIBO E critica cu e partidonan MEP y PDR tin riba e Dialogo Social ta duna e impresion cu nan ta contra pe politiconan tene dialogo directamente cu pueblo of representantenan di pueblo den diferente forma. Sindicatonan por ehempel tabata y ta un forma directo y importante di representacion di interes popular. Nan participacion den discusionnan riba temanan actual y di futuro, mester ta algo cu nos ta haya normal y “di mes” den un democracia bibo manera nos kier na Aruba. Participacion di hende en general den discusion y tumamento di decision den asuntonan cu ta toca nan ta un element esencial di democracia bibo. E ta nifica cu pueblo no ta vota un bes den cuatro aña y sinta wak kico politiconan ta dicidi. Pero cu pueblo ta actua y participa directamente tambe! Participacion di pueblo pa medio di nan sindicato of otro gremionan ta un forma practico y efectivo pa duna contenido na participacion di pueblo den asuntonan importante. E no ta kita nada di e funcion y responsabilidad di representantenan politico (den parlamento). Al contrario e ta complementa esaki y duna politiconan e posibilidad di uza e sosten (of falta di sosten) di gremionan pa un of otro asunto, como argumento politico. Pa sindicatonan participacion amplio y na tur nivel riba tema cu ta afecta nan miembronan ta esencial. Den añanan 70 sindicatonan na Aruba a welga pa haya participacion den asuntonan cu ta toca nan miembronan (= pueblo). Pe’sey mi a keda desapunta di e critica di MEP y PDR riba participacion di pueblo pa medio di nan organisacionnan awe den siglo 21! Den siglo pasa ya caba e tabata y te awe ta un tema esencial pa sindicatonan. Mescos ta conta pa otro gremionan comercial/profesional, cu mescos cu trahadonan tin un contribucion grandi na desaroyo di nos pais y ta wordo afecta door di decisionnan politico y desaroyonan den nos pais. E mero sugerencia cu den Dialogo Social lo por tuma medida contra pueblo ta contradeci su mes! Si den Dialogo Social tuma decisionnan dificil, Bo por ta sigur cu nan ta wordo tuma na interes di pueblo. Con dificil cu nan por ta! FUNCION POLITICO Den e critica di MEP y PDR riba Dialogo Social ta scucha bon cla un temor pa nan rol como politico y den parlamento. Hasta ta scucha e temor cu ta salta parlamento. E temor y ponencianan aki tambe ta sin base racional. Pasobra e posicion y funcion di parlamento ta hancra den nos constitucion como e unico organo cu por traha of cambia ley, e unico organo nacional cu por sanciona gobierno formalmente y cu por manda gobierno cas. Pero e no ta e unico instancia pa controla gobierno, presiona gobierno y asina influencia gobierno. Den esey organisacionnan popular, sindicatonan y prensa (liber y imparcial) tin un rol importante y crucial den nos democracia. Politiconan y parlamento no mester tin miedo di e organisacionnan aki. Al contrario! Politiconan mester scucha e organisacionnan aki bon y haci uzo di nan argumentonan unda ta posibel. Na final, kico cu wordo discuti den Dialogo Social mester pasa parlamento sea pa e haya forsa di ley of pasobra parlamento como e organo mas halto di nos pais, ta exigi esey! Ningun gobierno por core pa ningun debate politico si parlamento exigi esey! Kier men cu politiconan(den parlamento) no mester tin ningun temor di Dialogo Social. Al contrario. Tur partido y politico cu ta kere den un democracia bibo y real, mester sostene e participacion mas directo di pueblo den asuntonan cu ta toca nan! Partido AVP sigur ta sostene esaki!!
Comentarionan (5)Mustra/Kita comentarionan ...
Dialogo Social ta mihor cu nada , PERO no por ta asina cu oposicion den parlamento tin cu worde confronta cu un situacion cu Gobierno ta responsabilisa y basa su mes riba loke sali di e dialogo. Un punto mas critico mi ta haya e REPRESENTABILIDAD di e instancianan cu ta participa den e Dialogo . Ken nan ta representa ? Cuanto apoyo nan tin den nan gremio ? Cuanto persona o instancia a vota pa nan ta representa e gremio cu nan ta pretende di ta representa?
,
August 06, 2012
...
Nos mester a hanja e rebaho aki caba, awor mester bai warda ariba boso y dialago social pa e rebaho aki cu sigur no lo ta e 33% cu WEB a confirma. E bom lo explota dia boso bin cu e porcentahe di rebaho cu gobierno y dialogo social ta kere ta bon pa duna pueblo. Web ta un NV y nan por dicidi di baha of subi prijs. WEB y Elmar a subi prijs y nos mester paga sino fono, nos ta wordu desconecta. Supuestamente e bari di petroleo a subi, dus mester a subi prijs, prijs pa bari a baha masha dia, pero ni dialogo social ni rebaho di prijs. Con bo ta justifica esaki? Boso a priminti rebaho di dia boso a sinta, cuanto mas nos tin cu sufri?
,
August 06, 2012
...
Parlamentario Babba parce cu e ta na Jamaica ainda y No a laga su BARBARIDADNAN aya! Tur hende na ARUBA sa cu DIALOGO SOCIAL su proposito original manera describi ta bon, pero na ARUBA, HECHOSNAN ta DEMONSTRA cu el a worde institui pa worde usa como EXCUSA caminda GOBIERNO ta USA Y MALUSA algun LIDERNAN SINDICAL y algun LIDERNAN DI GREMIONAN, pa tuma DESICIONAN IMPOPULAR , yama AHUSTENAN, cu ta nada otro cu MEDIDANAN contra di PUEBLO. PUEBLO ta puntra BABBA, si e MIYONESNAN den e Proyecto di TRAM, BOOTJE KOMT ZO di WUBBO OCKELS, URIRAMA, EQUIPO DI FUTBOL HULANDES, FILM FESTIVAL, LINEAR PARK, y asina e lista ta sigui, a worde APROBA tambe den DIALOGO SOCIAL. Awo cu WEB a ANUNCIA un REDUCCION prijs di AWA pa luna di JULY 2012, cu ta resultadonan CONTUNDENTE di GOBIERNO ANTERIOR, GOBIERNO ta PROHIBI WEB y kier laga mustra, COMOSIFUERA ta ESFUERZONAN di DIALOGO SOCIAAL. BABBA, stop di COOPERA cu Prome Minister Eman pa PURBA na haci PUEBLO KENS!
,
August 06, 2012
...
Ademas, TUR PARLAMENTARIO cu ta sostene e GOBIERNO actual, por wel di KEDA CAS y KOBRA sin haci NADA. Embez, cu TUR 21 Parlamentarionan cumpli cu nan RESPONSABILIDAD, y traha un SUPUESTO STRUCTURA SOCIAAL di prijs pa WEB y ELMAR, e Parlamentarionan cu ta SOSTENE e GOBIERNO ta worde TUMA HACI KENS, pa nan mesun LIDER di Partido, ya cu nan TRABOUW y RESPONSABILIDAD, a worde entrega na algun Lider Sindical y algun Lider di Gremionan Comercial. Con por ta POSIBEL, cu Parlamentarionan manera Irausquin y Bikker, por ACCEPTA esaki?
,
August 06, 2012
...
Den e relatonan, mi a compronde cu APFA ta fia placa pa Gobierno. Mi no sa ta mas of menos cu e quantidad di premionan atrasa. Gobierno tin un debe pa APFA di 212,9 miljoen florin (2010). Kiko a pasa di e debe di Gobierno pa Sociale Verzekeringsbank (SVB) di 95,4 miljoen (2010) no ta conoci. Aparentemente Gobierno paga e premionan atrasa beck den 30 anja! E 'dekkingsgraad' di APFA ta hopi abou. Pa fia placa Gobierno mester traha un landsverordening segun art. V.14 di Staatsregeling y art. 22, secion 3 di Comptabiliteitsverordening. E reglanan nobo di APFA wordo regla den un landsverordening. Gobierno no por cambia un ley cu un contracto entre gremionan y Gobierno. Esaki no ta valido.
,
August 06, 2012
Duna Comentario y/of Comparti riba Social Medi |
Mustra/Kita e formulario di comentario
