Resultado final di e di 8 edishon TELBO ProKids Bonaire 2012

Monday, 06 August 2012 13:45

Djadumingu 5 di ougùstùs 2012 a habri ku bon bientu na Sorobon. E dia final di TELBO ProKids Bonaire 2012 a habri ku e reunion di e direktor di kareda huntu ku tur partisipante.

Akinan e la informa ku lo kuminsa ku e kompetensianan di freestyle pa U-17 i U-15 pa despues sigui pa e kategoria di Men den freestyle. E dia a sigui ku e kompetensia nan den slalom pa tur kategoria, freestyle baby kids, bolas, vutbol i tambe e Telbo Mini Splash. Un dia yena ku deporte ku sigur a trese hopi publiko pa presensia i apoya tur e participante nan.

Den freestyle nos tin e siguiente ganadonan: den kategoria U-7 nos tin na prome luga Jeankarl Mayer, na di dos luga Everson Frans i na di tres luga Lodaishka Thode, tur tres di Boneiru. U-9 nos tin na prome luga Koleta Abrahamsz i na di dos luga Ismar de Palm i na di tres luga Ethan Thielman, tur tres di Boneiru. Den kategoria U-11 nos tin na prome luga Daviton Janga i na di dos luga Luzdesy Catherin Zambraro ambos di Boneiru. Den kategoria U-13 nos tin na prome luga Sil Romeijn di Boneiru, na di dos luga Wave Antonia di Korsou i na di tres luga Mitchell de Palm di Korsou. Den kategoria U-15 nos tin na prome luga Jürgen Saragoza, di Boneiru, na di dos luga Stepherd Gustowski di Boneiru i na di tres luga Aron Etmon di Korsou. Den kategoria U-17 nos tin na prome luga Amado Vrieswijk di Boneiru i na di dos luga Ethan Westera di Aruba. Den kategoria ‘Men’ nos tin na prome luga Demenson “Kiri” Thode, na di dos luga Elton “Taty” Frans i na di tres luga Evertson “Choco” Frans, tur tres ta di Boneiru.

Den slalom nos tin e siguiente ganadonan: den kategoria U-9 nos tin na prome luga Ethan Thielman i na di dos luga Ismar de Palm, ambos di Boneiru. Den kategoria U-11 nos tin na prome luga Iosu Balzaretti di Mexico, na di dos luga Mikki de Man di Boneiru i na di tres luga Enzo Balzaretti di Mexico. Den kategoria U-13 nos tin na prome luga Jim van Someren di Ulanda, na di dos luga Sil Romeijn di Boneiru i na di tres luga Delano Moreno di Korsou. Den kategoria U-15 nos tin na prome luga Jürgen Saragoza di Boneiru, na di dos luga Lars van Someren di Ulanda i na di tres luga Jean P da Silva de Goes di Korsou. Den kategoria U-17 nos tin na prome luga Aron Etmon di Korsou, na di dos luga Milan de Jonge di Aruba i na di tres luga Ezri Heymans di Boneiru. Den kategoria ‘Men’ nos tin na prome luga Ethan Westera di Aruba, na di dos luga Juvannie Agostien di Boneiru i na di tres luga Amado Vrieswijk di Boneiru.

Den Stand Up Paddle Board (SUP) nos tin e siguiente ganadonan: den kategoria U-11 nos tin Gerrald Victorina Jr, den kategoria U-13 nos tin Sil Romeijn, den kategoria U-15 nos tin Jürgen Saragoza, den kategoria U-17 nos tin Ezri Heymans i den kategoria ‘Men’ nos tin Archuendro Finies tur ganadonan ta di Boneiru.

E resultadonan den e otro deporte nan ta lo siguiente. Den vutbol U-17 nos tin na prome luga ATC (Tera Kora), na di dos luga Orfir (Rincon), na di tres luga Juventus Kids (Antriol) i na di kwater luga NRD Salinja Kids. Den bolas di damas nos tin kampion Hot Balls i sub kampion Dream Team. Miho boche di damas ta Margie Levenstone di Dream Team i miho arime di damas ta Jekkie Janga di Hot Balls. Den bolas kabayero nos tin kampion The One i sub kampion Smile Balls. Miho boche di kapayero ta Aron Martis di Smile Balls i miho arime ta Anthony Peters di The One. Den domino nos tin na prome luga The Indians i na di dos luga Superstars.

A termina e anochi ku tremendo ambiente huntu ku Dj Toot i tambe Ephrem J & Loading Band. Nos ta duna un danki na tur nos sponsornan pa e konfiansa i ku a hasi e evento aki posibel, tin ku menshona ku sigu sin nan e evento no por tabata posibel. Un danki inmenso na tur nos kolaboradornan ku a duna di nan parti pa e evento ta unu sumamente eksitoso. Tambe un danki na tur partisipante i nos ta spera ku otro aña nan tei atrobe pa e evento.

Por wak tur resultadonan di e kompetensia di windsurf riba nos website www.prokidsfreestyle.com den e sekshon ‘result standings’, tambe por mira tur e potret nan riba e pagina di Facebook: Prokids Windsurfing Bonaire.