| Minister Sevinger satisfecho cu trabounan di embeyecimento di caya grandi ta cuminsa |
 |
 |
| Monday, 06 August 2012 19:36 |
|
“Aunke bisando esaki mi kier remarca na mes momento cu si gobierno no a haci nada, di tur forma mayoria di nan lo no a sobrevivi, mirando con e situacion den caya grandi tabata”. “Nos tur por corda tempo a pone un shelter den caya grandi y con devastador esaki tabata. E maneho di e tempo ey pa hiba mas tienda dilanti hotelnan grandi tambe tabatin su influencia negativo. Ta pesey cu nos ta kere cu e proyecto aki comunidad di Aruba tin su caya grandi bek pa bay haci compras y e turista tambe ta bin bek pa disfruta di nos ‘downtown’ cu su cambionan”. Minister Sevinger a comenta riba e railsnan splicando cu nan instalacion ta kedando cla. “Si tur cos sigui manera e ta bayendo na luna di october esaki ta keda cla y ya pa luna di december – si no ta prome – e prome streetcar ta cuminsa core den caya grandi. E streetcar aki no ta simplemente un vehiculo cu ta parti di e proyecto, pero e tin un rol importante”. E streetcar, asina minister a comenta, ta bay conecta tur otro parti di centro cu caya grandi. Minister a duna como ehempel e ruta di un edificio monumental pa otro cu ta dificil pa haci na pia sigur si no tin un guia pa yuda den esaki. “For di waf e streetcar aki ta hiba su pasaheronan na ocho punto na unda por subi of baha, Na cada stop tin un mapa pa guia e turista - of e local - con yega pa bay wak loke tin na monumento y otro luganan di interes manera misa, watertoren, edificio di corte y hopi mas”. Un otro rol di e streetcar ta e conexion di e luganan di parkeo cu caya grandi. Sevinger a splica tambe cu den un futuro cercano ta bay tin destaho pa loke ta parkeermeters. E luganan di parkeo pronto ta bay wordo construi. E intencion ta pa e empleadonan di tienda y oficinanan di centro di ciudad ta para nan auto den e luganan di parkeo y for di ey subi e streetcar pa den menos di dos minuut yega na nan pia di trabou. Esnan cu kier haci uzo di parkeermeters por haci esaki si nan kier bay haci compras den caya grandi. Pero, e trabounan mester sigui. “Nos tin pura. Tempo ta bay laga nos. Nos a firma pa cuminsa cu embeyecemento di caya grandi. Awor nos ta bay sinta cu e contratista pa hunto delibera con haci e trabou aki lo miho posibel y di e calidad cu nos pais y su hendenan merece”. |
Mustra/Kita e formulario di comentario
