Gracita Rombley ta coordinador di cuido na cas di Wit Gele Kruis, y durante un entrevista e tambe a comenta riba e servicionan y relato 2011. El a splica cu na 2011 e cantidad di 1412 persona a aplica pa haya cuido na cas di cual a haya cuido 314 hende.

Nan a haci 635 bishita na cas pa constata e situacion cu nan ta biba aden, entre otro e condicionnan di e baño, si e cama ta adecua of no, pa wak kico ta loke e personanan aki mester. Na 2012 te awor a inscribi 112 extra. Durante 2011 tin 80 hende cu a muri di 525 cu a haya cuido. E clientenan ta haya cuido basico cu ta esun primordial, y esaki ta abarca desde baña e persona na cama of bao ducha, drechamento di cabey y hunja, feitamento y otro cuidonan cu e cliente mester pa ta limpi y fresco. Tin clientenan den situacionnan mas delicado manera esnan cu ta sufri di malesa di cancer como tambe di Alzheimer y cu pa nan famia, aunke nan kier yuda, ta hopi dificil. Tambe tin e cliente di edad jong cu ta e muchanan cu a haya accidente y a haya hopi herida. Fuera di cuido di herida nan ta haya cuido di curpa en general pasobra tin casonan cu e famianan mes no sa con pa handle esey. Tambe tin e pacientnan cu a keda despues di un stroke cu mitad di curpa lam. Na e momentonan aki Wit Gele Kruis tin clientenan di edad grandi y cu nan yiunan tambe a bira grandi. Ta papia aki di edadnan di 93 pa 100 anja. Ayudonan urgente cu Wit Gele Kruis ta duna ta na pacientnan cu ta den fase inicial di cancer y cu ta hayando kimo y cu ora nan pasa den e proceso aki ta bira hopi malo y ta haya sacamento. E enfermeranan ta tuma di mey ora pa 1 ora pa dedica e paciente y tin di nan cu ta desea cuido atardi tambe, pero cu no tin e placa pa paga esaki y tambe Wit Gele Kruis su personal ta limita. E servicio preventivo ta algo cu tambe nan ta atende cune cerca diferente pacient cu ta sufri di malesa cronico. WGK tin atardinan di control den e barionan. Esaki hopi hende ta pidi pe. Tambe e control di salud pa trahadornan di diferente compania ta algo cu Wit Gele Kruis ta sigui haci. Den e controlnan ta ser descubri cierto condicionnan di salud cu e persona mes no tabata sa cu nan tin.

Comentarionan (0)

Mustra/Kita comentarionan

Duna Comentario y/of Comparti riba Social Medi

Mustra/Kita e formulario di comentario

Nomber

Email

Comentario

smaller | bigger

Subscribe via email (registered users only)

I have read and agree to the Terms of Usage.

Duna Comentario y/of Comparti riba Social Medi