| Parlamentario Marlon Sneek ta remarca: Evelyn a baha for di Avion y ainda e tin bril di solo bisti! |
 |
 |
| Monday, 06 August 2012 23:30 |
|
Lo mas tristo di tur esaki ta, cu e ta hasi manera ta gabinete Mike Eman nan ta hasi daño, lubidando por completo, cu si cualkier cos bay robes, ta pais Aruba ta esun cu lo ba sufri e consequencia. Nos a tuma nota cu e nomber di e lider a cambia, pero e mesun metalidad a keda reina den e partido M.E.P. Ta basta di grita manera alma malo y cuminsa bisa kiko y con abo lo hasi’e, critica ta fasil traha te cos. Evelyn unda bo tabata: Nos por a tende e lider di M.E.P, lansa un otro metira. El a bisa cu a pidi un reunion, cu minister di enseñanza tocante Monlpesier College y cu minister no a bin duna cuenta. Wel señores dia cu e comicion di enseñanza, a jama e minister pa bin duna splicacion, di kiko lo bay pasa cu e situacion na Monplesier College, sr Evelyn Wever Croes a prefera di bay cu vakantie, y riba dje, sobra dje, no a manda ningun miembro di e partido tampoco, pa bin scucha kiko lo bay pasa cu e situacion na e scol, anto awor e kier bin bruha tera, Evelyn bin bij. Ta parse cu ainda e no a kita e bril di turista. Laga ami pone na haltura, di kiko ta pasando aki na Aruba. E dak di e gymzaal di Monplesier College, a worda baha y remplasa, un limpiesa di e scol lo tuma lugar, pa asina garantisa cu e scol ta sigur, tanto pa e muchanan y e maestronan, e situacion di coriente cu ta un situacion andando, ja pa basta aña tambe lo bay haña atencion. Dialuna 6 di augustus, minister di enseñanza a firma huntu cu F.D.A, pa renobacion completo, di scol Cristo Rey na Brazil, Sint Anna school na Noord, e scol cu Evelyn, a vota contra pa pone 5.2 miyon florin disponibel pa por renobe, a yega na e punto mas halto y diabierna tras di lomba tabata tin spantenbrier, Sint Dominicus College, a wordo renoba completamente, La Salle College a wordo renoba completamente y nan ta cla pa start aña escolar nobo, Abraham de Veer na San Nicolaas pronto lo ta cla. Esaki ta djis un par di e trabounan cu ta tumando lugar den infrastructura di enseñanza. Esaki ta djis pa trese Evelyn bij di su vakantie cu Miki y Mini. Comentarionan (3)Mustra/Kita comentarionan ...
bril di solo ta cambia nomber di rondweg l**o nan e ta un caminda rondo den dakota cambia papayasrtaat ta mihor ok anto bin bisa boso a pasa cas pa cas mi cas bosa no a yega yega
,
August 07, 2012
...
Ta pa bo ataka colega parlamentario pueblo a vota pabo ? A bira tempo pa nos e votadornan cuminsa marca e politiconan negativo para ora di eleccion nos castiganan y no vota pa nan . Partidonan politico tambe por cuminsa exigi respet di su parlamentarionan y si partidonan politico tampoco por pone orde anto ta na nos mes como votador pa pone orde y no vota pa nan.
,
August 07, 2012
Duna Comentario y/of Comparti riba Social Medi |
Mustra/Kita e formulario di comentario
