| Paramento di Arubalening ta conduci na anulacion di seguronan |
 |
 |
| Tuesday, 07 August 2012 14:41 |
 Studiante di kende a para nan Arubalening, hopi biaha no ta para keto cu den e caso aki nan seguro tambe ta keda anula. Ta trata aki di nan seguro di responsabilidad civil (aansprakelijkheidsverzekering), nan seguro di inventario di cas (inboedelsverzekering) y nan costonan pa repatria (repatriëringkosten).
Den caso cu no tin un seguro pa responsabilidad civil, esaki por resulta den risiconan financiero grandi. Motibo pakico departamento di enseñansa di Cas di Aruba ta pidi atencion pa e question aki. Aparte di e informacion cu e studiantenan en question ya a ricibi, Cas di Aruba un biaha mas kier mustra cu enfasis e importancia di ta bon segura. Paramento di e Arubalening por sosode dor di diferente motibo: e por ta pasobra e studiante a stop cu su estudio pa un periodo of cu e studiante pa di dos biaha a cambia di estudio. Den e ultimo caso aki e fiansa di parti di Gobierno ta keda para, te cu e studiante en question por mustra cu e a reanuda su estudio cu exito. Na Cas di Aruba tin diferente caso conoci na unda un studiante a haya su mes den problema financiero pa motibo cu su seguro a keda anula, te cu deurwaarder a cai den e asunto. Intermediacion pa yega na un areglo di pago ta hopi biaha lo maximo loke cu Cas di Aruba por regla den un situacion asina. “Con fastioso esaki por ta pa esnan envolvi, esaki ta tipo di problemanan cu mayoria biaha por wordo evita, si e informacion duna na nan wordo bon absorba,” segun e hefe di departamento di enseñansa di Cas di Aruba Samuël Dumfries. “Realidad ta mustra cu algun studiante ta warda demasiado largo prome cu nan pidi ayudo, cual ta conduci na acumulacion di nan debe.” E paramento di e Arubalening no ta conduci na anulacion di e seguro di malesa. Esaki ta sigi corre ariba un base individual, pero si cu un prima hopi mas halto.
Comentarionan (2)Mustra/Kita comentarionan ...
Masha anja e seguro di studiante cu tin arubalening mester a cambia, e seguro actual ta un seguro partic*lar cu no ta wordo reconosi na Hulanda, di tal forma cu e studiante no tin recht riba zorgtoeslag (un credito mensual pa reduci gasto di seguro). E studiantenan cu for di anja 2006 a haya e zorgtoeslag aki automatisch riba nan cuenta a hanjanan ta page bek. E prijs di seguro cu bo ta paga via Arubahuis ta bira casi dubbel si bo geef aan cu bo ta traha (pa bo haya recht riba zorgtoeslag)i. Dikon e seguro ta obligatorio ora di pidi Arubalening? Ta cumbini pa buska un seguro di bo propio escogencia I plus dibiaha bo tin recht riba zorgtoeslag. Anto ta extranjami cu tanto bon cu e seguro via Arubahuis ta, e no ta cubri psychologische behandeling fuera di schoolpsycholoog. Dus por ehempel studiantenan den caso cu bo sinti un winterdepressie, zorg pa esaki no ta ernstig genoeg paso sino e lo sali di bo mesun sako. Lang leve de transparantie.
,
August 07, 2012
...
Ami ta hanja cu na Aruba ei e departamento di Studie faciliteiten na oranjestad no ta splica e studiante nan, cu kier bini Hulanda studia e positief i e negatief kanten nan cu nan por bin topa aki na Hulanda.
Splica nan duidelijk vooral ariba e thema financien loke nan ta hanja netto den nan man i cuanto nan ta houdt over ora nan paga tur nan verplichte gasto nan. I cu no ta dje facil pa hanja un bon camber pa huur no papia mes di un appartament of un cas. Esei ta punto nan masha inportante pa nan i nan major.
,
August 08, 2012
Duna Comentario y/of Comparti riba Social Medi |
Mustra/Kita e formulario di comentario
