| Dialogo Social: Enfoke total riba reduccion di awa y coriente den forma husto y duradero |
 |
 |
| Tuesday, 07 August 2012 19:53 | |||||||||||||||||||||||||||
|
E Dialogo Social aki a conta cu un audiencia grandi di e gremionan envolvi. Prome Minister Eman a subraya cu e reduccion mester ta uno husto cu ta beneficia henter e comunidad aki. Eman a cualifica e Dialogo Social aki un bes mas di ta uno historico ya cu ta bay discuti riba un tema cu pa mas di 25 aña ningun hende a toca. Den tur e añanan ey ningun gremio social den comunidad di Aruba tabatin participacion den dje. “Como ciudadanonan di Aruba 6 pa 7 bes pa aña nos tabata wordo notifica cu e prijs di awa y coriente a wordo ahusta”. Ta logico cu den e proceso aki semper WEB y ELMAR tabata tene cuenta cu nan rendimento y ta basa riba esaki calculacionnan di prijs semper ta wordo haci. Aki no tin mucho espacio pa negosha pasobra asina e empresanan tabata stipula nan prijsnan pa por garantisa un bon prijs di operacion. Eman a splica tambe cu comunidad nunca a haya oportunidad pa papia y participa den un discusion riba otro formula di tarifa cu ta tene cuenta cu cierto gruponan den nos comunidad. “Durante e prome Dialogo Social riba e tema aki nos a habri espacio pa e bira parti di un discusion extenso di kico ta e base cu WEB y ELMAR mester pa nan operacion. Ta den e espacio ey nos mester mira kico ta posibel pa nos por haci ahustacionnan y introduci diferente tarifanan”, Eman a splica un bes mas. Tambe a comparti e pensamentonan aki cu WEB y ELMAR y a crea diferente posibilidadnan con reparti e tarifa di awa y coriente riba e diferente gruponan. Ta hopi importante pa subraya cu e gobierno aki contrario na e gobernacion anterior no ta en busca di ningun sorto di dividendo. Utilities a haya su parti pa su operacion por keda funciona optimal. Pa tur presente por realisa con importante e decision tuma dor di gobierno aki ta Prome Minister a bin cu e cifranan pa tur hende ta consciente con grandi e impacto aki ta den caha di gobierno. “Nos no kier sigui cu e politica di busca dividendo di prijs di awa y coriente cu ta productonan basico elementario”. Prome Minister a bay over na haci un resumen di e miyonnan cu a wordo paga na dividendo durante 2002 te cu 2008. Den e tabel adhunto por lesa e sumanan draconico cu a wordo paga na dividendo y winstbelasting. Placa cu por a wordo uza pa reduci tarifa di awa y coriente, pero e gobierno anterior a tuma e decision unilateral pa no haci esaki. “Hopi scol, hopi bario, hopi caminda mas, hopi mucha cu ta bayendo scol y hopi famia den necesidad por a wordo yuda cu e miyones aki”, Prome Minister a remarca. Eman a splica cu WEB y ELMAR ta bay duna un presentacion pa splica nan operacion y structura di prijs. “Aki tur hende ta bay ripara con importante e participacion y discusion nacional riba e tema aki den Dialogo Social awe tardi ta. Esaki ta pa sigura cu nos comunidad ta haya un bon servicio di WEB y ELMAR na e miho prijs cu por wordo ofreci”. Despues di e introduccion aki di Prome Minister Eman, ehecutivo di WEB ir. Richard Frank a duna un presentacion amplio sigui pa un presentacion di ELMAR duna pa manager financiero sra. Gloria Croes. For di aki nan e discusionnan cua dura algun ora a cuminsa den e Dialogo Social.
Comentarionan (9)Mustra/Kita comentarionan ...
Nos no a vota pa gremio commercial ni sindical ! si na W.E.B. a bisa ku awa su prijs ta baha e ora bahe , no bai sinta perde tempo , awo gobierno ta ta bai discrimina tambe pa ora di bai baha e prijs ! bahe pa nos tur igual , paso nos tur ta page igual ora e subi tambe , awor si ta bon.......
,
August 07, 2012
...
Mira cuanto hende sinta na mesa, ta scucha Prome Minister Eman su BARBARIDADNAN! Djies pa menciona un ta ora cu Prome Minister ta bisa:"Utilities a haya su parti pa su operacion por keda funciona optimal". Nunca UTILITIES, ni ANTES ni AWE, por tin un OPERACION, cu nan MESTER di Miyones, sinembargo Prome Minister ta ORDENA UTILITIES, pa saca DIVIDENDO for di WEB y ELMAR, pa paga GASTONAN cu GOBIERNO ta haci, pa asina GOBIERNO por tuma PUEBLO haci KENS, cu No ta GOBIERNO, sino UTILITIES ta saca DIVIDENDO. SIGUR ningun di esnan PRESENTE ta CUESTIONA ESAKI! Banda di GERENCIA di WEB y ELMAR, PUEBLO por mira e Parlamentarionan cu PUEBLO no a vota pa nan, sinembargo escohi pa DEDE pa Prome Minister Eman, cu ta entr otro Parlamentario Rafini, Parlamentario Hoeverts, Parlamentario na Corra, Parlamentario na Blauw, Parlamentario na Blanco, Parlamentario cu Bachi, Parlamentario Kabey Blanco, etc, cu a TUMA over e trabouw di e 21 Parlamentarionan cu PUEBLO e escohe DEMOCRATICAMENTE.
,
August 07, 2012
...
E pajasado di mike eman mester pone un fin na dje, tanto show cu coi loco, ta parce berdat cu cu mike I su compinchi nan mester por tin un rabo mane macaco,no por ta otro, un hende drechi I cu tin pueblo na pecho na ta ofrece su mes na e pajasada nan aki, unda pueblo ta sclama, ban uni un I tur I pone un fin na e abuso nan aki
,
August 08, 2012
...
Ami como Arubiano no tin representante den e dialogo social. Ta e sabi di e bobonan cu ta representa trahado nan di cierto empresa ta dicta y papia cu Gobierno pa asina un portion chiquito dicta kiko si y no ta bon. Ban ta serio! Claro cu gobierno ta usa dialogo social pa haci gezellig y leuk. Dicon no papia y sinta cu poco hende cu bon tino y cu sa de que se trata wak si e flie ta subi. Even serieusssss..... Conta cuanto miembro e sindicatonan ta representa y wak si esey ta pisa contra e resto cu no ta hinca den politikeria!
,
August 08, 2012
Duna Comentario y/of Comparti riba Social Medi |
Mustra/Kita e formulario di comentario
