| Andin Bikker: Triple A ta gana basta placa y no ta husto pa inventa mas fee y cobra taxistanan tambe pa facilidadnan |
 |
 |
| Tuesday, 07 August 2012 22:22 |
|
Partido Democracia Real a tene su conferencia semanal di prensa. Andin Bikker a hiba palabra y el a comenta riba e maneho di aeropuerto cu mester ta uno mas social. Asina tin un cantidad di cobranza cu a bin adicional, y awor a toca e taxistanan paga un fee. Bikker a splica cu for di momento cu Triple A, a cuminza concentra na hisa su ganashi a bin cobra pa parkeer cual awor a bira mas caro tambe, si mester move bo auto bo mester paga Fls. 75 pa haye bek, a aumenta 10% riba huur di localnan na aeropuerto loke ta mas halto cu BBO, y awor aki tur taxista mester paga un fee pa luna pa nan por crea facilidadnan pa nan duna servicio, locual Bikker ta haya cu no ta husto ni na su lugar! Mientras tanto parlamento a haya un relato annual caminda cu e ganashi di triple A bay di 11 miyon pa 17 miyon y un return investment cu ta casi 18%. Bikker no por compronde con nan tin cu cobra e taxistanan, y riba e argumento di minister di transporte cu el a logra baha e fee di e taxistanan di 450 pa 115 florin, e parlamentario ta kere cu nan mester paga cero placa. Segun e parlamentario dentro di poco nan ta cuminza cobra e pueblo henter ora un hende mester pasa dilanti aeropuerto pa wak si un persona cu nan ta wardando a yega caba. El a bisa cu Pais Aruba ta e accionista unico di triple A y como accionista unico mester duna e compania instruccion pa un maneho mas social, y pa stop di inventa feenan nobo. Nan ta hayando suficiente entrada cu ganashi cu incluso nan ta pagando un compania di afo pa duna nan asistencia. Democracia Real ta sigur cu tin suficiente espacio tambe pa baha e airport tax. Triple A no mester tin miedo cu nan entrada por baha si nan haci esaki, pasobra si baha e airport tax e lo stimula pa mas pasahero biaha. E parlamentario a haya algun comentario di personanan Hulandes riba esaki y e ta haya ridiculo tambe cu hasta un mucha chikito mester paga e airport tax mescos cu un adulto. Den un siguiente gobernacion PDR lo trece cambio riba esaki y tambe lo sigui insisti riba un maneho mas social di aeropuerto. Comentarionan (11)Mustra/Kita comentarionan ...
Andin, nunca bo tabata tin taxisista nan na pecho, semper cu taxi a jega na bo porta nunca bo a juda nan, dus no bin hunga mooi weer awor.
,
August 08, 2012
...
Steinvies no tin cara di cuero pasobra e no ta Arubiano, tambe Otmar no sa un su nanishi ta para. I ora nos cuminsa perde turista, e ora nan kier core jora malai. ken atrobe AVP i su hende nan ( Ta mi hende nan 2X )..
,
August 08, 2012
...
mas social cu 9 florin pa luna,?????pa taxinanan por tin lugar di come,banja,hasi uso di wc,lugar pa parkeer,hunga domino,?? mi kiermen esey si ta cos di sinberguenza,ta ken tin di page anto?? trahadornan di aeropuerto?? pagadornan di belasting?? pero si nan por paga sindicato STA 20 flrorin si pa luna,anto STA no ni tin ni un oficina,ta e presidente su cas ta wordo usa pa sede di un sindicato fantasma.Kiermen taxinanan kier gana placa,pero no kier paga un miserabel 9 florin pa luna,esey si ta dimas,laga tur hotel bini cu su mes un shuttle,mescos cu merca pa e taxinanan cuminsa traha di berdad.Ta politicamente un hende ta haya un taxi vergunning,ta politico nan(minister) ta trese turista via placa di pueblo pa medio di mercadeo,anto ta kiko mas mester hasi pa taxista?? traha un caminda special pa nan so of algo asina?
,
August 08, 2012
...
ANDIN , despues sigui cu SETAR cu ta abusa obligando hende cu "pre-paid" cumpra kaarchi nobo maske nan tin saldo riba un kaarchi cu su tempo a pasa. Pakico no elimina e termino cu un kaarchi ta balido y laga un usuario usa e saldo completo y despues di mes e mester cumpra kaarchi nobo. Apoya e punto aki cu un + , danki
,
August 08, 2012
...
Oficina di abogado Gomez/Bikker ta gana basta placa y no ta husto pa cobra un dineral pa un carta cu nan tin como standard word document template unda solamente ta cambia nomber i fecha.
I betja he doesn't agree.
,
August 08, 2012
...
Aparte cu e taxistanan mayoria (sigur sigur) ta rip off turistanan y ta duna e securitynan d**or di cabes tur ora, awor nan kier haya mas previlegio tambe!! Mayoria taxista cu ta bai aeropuerto y waf ta un set di hende cu gusta rip off turistanan y hasi loke nan kier y con cu nan kier. Ariba waf tin ordo pero tin algun taxista ainda ta busca tur manera di haya mas ganashi for di turista y kibra delaster un regla cu tin. Andin miho bo no bai tras di e set di simberguensanan cu ta core bin serca bo. si bo wak ken tur ta, ta e mesun grupo cu tur ora tin problema cu autoridadnan di waf y aeropuerto!!
,
August 09, 2012
...
Aeropuerto mester claba nan 100 florin pa caba. Supuestamente e 'pober' taxista no tin placa pero nan di dos cas ta e barnan rond di Aruba. Mayoria a hanja nan vergunning via campanja politica durante eleccion, kier meen.cu NUNCA nan mester a bira taxista. E taxista 'pober' por cumpra su auto liber di impuesto cu ta otro privilegio mas. Ki dia DOPV ta cuminza check e estado di autonan cu taxistanan ta core? ki dia nan ta check con nan ta bisti? Ki dia nan ta waak con PELIGROSO e ta cu bo tin taxistanan cu casi no por move den nan asiento pasobra nan bariga ta frega riba stuurwiel? Ki dia cierto taxistanan femeninio ta hanja un scual formal pa e manera cu nan ta bisti, hasta barbuletnan na San Nicolas ta hanja orea cora. En general ki dia ta bin un control SEVERO riba e calidad di taxinan y taxistanan na Aruba. Mientras tanto nos ta recomenda 4 taxistanan so na hotel y bisa turista pa subi Arubus of De Palm Tours.
,
August 09, 2012
Duna Comentario y/of Comparti riba Social Medi |
Mustra/Kita e formulario di comentario
