Indra Zaandam, manager di educcion y ciencia na Parke Nacional Arikok, den un entrevista a splica un tiki riba e investigacionnan cu ta sigui riba ratonnan di anochi. Den PNA nan ta bezig cu un investigacion basico cu a cuminza na maart y na juli tabata tin un di tres sesion di monitoreo.

El a splica e motibonan pa cual ratonnan di anochi ta importante pa nos ecosistema y esey ta algo cu no tur hende ta realiza, por ehemplo cu si no tin raton di anochi tampoco tin cadushi na Aruba. Indra a bisa cu e ta hopi contento con e di tres sesion a bay y cu nan a forma un team cu boluntarionan di PNA, LVV y Lena Garcia cu semper ta 100% dispuesto pa yuda. E biaha aki a traha cu 4 boluntario hopi entusiasma y motiva, cu no tin miedo di raton di anochi ni di e escenario cu por a presenta y nan a envolve nan mes den e investigacion. A yega na algun conclusion preliminario ya cu e estudio aki ta tuma tres anja di cual esaki ta e prome y ta asina cu e ratonan di anochi e especie yama Lapto ta duna indicacion cu nan ta emigra di cueba pa cueba, y a constata esaki na Wela, Miralamar y Tunel of Love, caminda cu nan a multiplica hopi, y esaki nan ta asocia na e hecho cu e cueba ta cera. Un di dos conclusion ta cu Guadirikiri ta un cueva hopi importante caminda tin diferente especie di raton di anochi y a ripara den e investigacion di monitoreo cu tin varios mom na estado y cu entre augustus cu September lo haya yiu. Meta di e investigacion aki ta pa educa e poblacion riba e importancia cu e ratonnan di anochi tin pa nos eco sistema, busca e mihor manera pa proteha nan, debi cu a cierto momento nan tabata den un estado critico pero nan a wordo rescata door di e investigacion aki mes, segun Indra Zaandam. Duna informacion na e publico local y turistanan tocante e bida di e raton di anochi y su importancia pero ademas percura pa un sistema di naturaleza sostenible ta parti di e investigacion aki, y Indra ta haya hopi importante tambe pa pueblo sa kico nan ta haciendo. Aki tres aña ora e investigacion ta full cla lo mester tin conclusionnan mas fuerte. Locual ta hopi jammer ta cu debi na vandalismo den Tunel of Love hopi raton di anochi a move bay y esaki ta algo cu tambe mester evita. No a dicidi si lo cera e cuebanan pasobra esaki ta un decision cu mester tuma entre e maneho y e publico, segun Indra Zaandam.

Comentarionan (1)

Mustra/Kita comentarionan

...

Ta di con hende mester intermedia den proceso di naturalesa, si no ta hende a crea naturalesa? Mientras cu hende ta daña naturalesa nos ta gaña poné riba pedestal... Un cos ta sigur...si nos pone naturalesa riba pedestal pa purba laga naturalesa ocupa puesto di Dios, anto cosnan lo bruha formal.... Nada malo den observa...pero manera nos grandinan ta bisa; mira laga para.

Facts of life , August 08, 2012

• 
• +0
• 
• 

Duna Comentario y/of Comparti riba Social Medi

Mustra/Kita e formulario di comentario

Nomber

Email

Comentario

smaller | bigger

Subscribe via email (registered users only)

I have read and agree to the Terms of Usage.

Duna Comentario y/of Comparti riba Social Medi