| Vanessa Kock: Sanger hoben na cabes di nos Cuerpo di Polis |
 |
 |
| Wednesday, 08 August 2012 00:47 |
|
Vanessa Kock a termina VWO na Colegio Arubano na aña 1995 y a sigui su estudio na Academia di Polis na Appeldoorn-Hulanda. Unabez na Aruba, e hoben Polis a subi caya den e seccion di Polis Uniforma pa asina cuminsa gana experiencia, sigui despues pa departamento di trafico y finalmente a yega na e departamento di recherche. Por corda ainda con Kock a bira prome e hefe di e division di SGC (Sectie Georganiseerde Criminaliteit) y despues a promove den e funcion di Hoofd Divisie Centrale Recherche. Na salida di Inspector Candelaria for di Cuerpo Policial, a nombra e mesun Vanessa Kock tambe den e funcion di Hoofd Algemeen Recherche acerca. Y na momento cu no tabatin un Comisario mas na cabes di e division hudicial di Polis, a pasa e responsabilidadnan pa e mesun Vanessa Kock. Pues na un edad relativamente hoben, a lage encarga cu funcion di 3 diferente persona! E nombracion awor aki como Comisario di Polis encarga cu e division Hudicial no ta algo nobo pa Vanessa Kock, pero si ta un funcion oficial y ta mustra su capacidad y experiencia, cla pa asumi un rol mas ehecutivo pa cu Cuerpo Policial di Aruba. Ta spera cu na momento di nombra hobennan asina den funcionnan asina importante, cu Gobierno no ta opta pa stop di sigui inverti den nan. Pero cu al contrario, probechando nan edad hoben, mester sigui manda nan curso y pa nan gana mas experiencia pa por sigui guia e Cuerpo hoben den e caminda di desaroyo y profesionalismo. Cu e era digital cu nos ta bibando aden, cu e velocidad di e cambionan den tecnologia moderno, ta haci necesario pa por tin profesionalnan na cabes di e organisacion cu mester combati criminalidad y illegalidad. Nos ta desea Vanessa Kock tur clase di exito den su funcion nobo y cu Dios lo sa di ilumin'e den su trabou di tur dia, pa e por yuda encabesa nos Cuerpo di Polis. Pabien! Comentarionan (9)Mustra/Kita comentarionan ...
Vanessa, awo como COMISARIO, no por yuda PUEBLO pa DETENE Prome Minister y warde pa un tempo, pa WEB haya man liber y ORTOGA PUEBLO e REDUCCION Husto ya for di JULIE 2012? Despues di esei por lague LIBER condicionalmente, si e mester prohibi otro REDUCCION?
,
August 08, 2012
Duna Comentario y/of Comparti riba Social Medi |
Mustra/Kita e formulario di comentario
