| Arubazumba Fitness ta contribui na nos comunidad |
 |
 |
| Wednesday, 08 August 2012 08:09 | |||
 Arubazumba Fitness bou guia di Rose-ann Ruiz recientemente a bin cu un iniciativa pa recauda fondo entre su miembronan pa asina cumpra food baskets pa esnan den necesidad aki na Aruba.
Esaki ta un idea cu Rose-Ann mes tawatin pa hopi tempo caba pa hasi como compania, pero ora cu e la conta su miembronan di loke e ta bay hasi a crece un entusiasmo entre e miembronan y nan tambe kier a participa den esaki. Pues asina e idea a cuminsa y a logra sera un suma di casi Afl.1700. Esaki tambe cu ayudo di miembronan di Zumba Yara, bou guia di Denise Krosendijk, kende tambe a haya e idea asina great cu nan tambe kier a contribui. Un danki grandi ta bay tambe na Manrique Capriles cu a regala algun productonan pa e baskets. Hunto a logra sera un total di 25 baskets cu ta bay pa Fundacion nos Comunidad. Riba e potret por admira representante di Fundacion Nos Comunidad Sra Nelkis hunto cu Rose-Ann Ruiz y su miembronan. Un danki ta bay un biaha mas na tur e zumberas y zumberos di Aruba cu a contribui na e bunita causa aki. Danki di curason!
|
Mustra/Kita e formulario di comentario
