| Atleta di peso, John Henriquez a hisa un total di 282 kilogram den su prome aparicion Olimpico |
 |
 |
| Wednesday, 08 August 2012 08:15 | ||||||||||||
 Apoya pa e publico grandisimo(10.000 persona) den e Excel Center, incluyendo John su famiya kendenan a viaha specialmente for di Aruba pa biba e bunita momento aki, e atleta Arubano a sali como e prome atleta den e disciplina di "snatch", categoria 105kg. Mester bisa cu den su prome intento John a hisa 115kg den snatch, cual a bai relativamente facil. Den su segundo intento John a hisa 122kg, esaki tambe a bai cu facilidad, despues e ta pone cinco kilo aserca pa un total di 127kg, John ta hisa esaki tambe, pero debi na un fayo chikito den su tecnica e no a ser honra y mirando cu tabata su di tres intento John a keda na 122kg den e disciplina di snatch. E siguiente disciplina tabata e asina yama "clean and jerk", unda John a cuminsa na 150kg. Mester bisa cu den clean and jerk tambe nos atleta John Henriquez mester a sali como e prome participante y un bez mas bou di un aplouso grandi di e publico, e atleta Henriquez a cuminsa cu su intento na 150kg y esaki a bai bon. Determina pa logra su supera su record personal, Henriquez ta hisa e 160kg manera nada. Despues e ta logra pone diezun kilo aserca pa 171kg, pa asina kibra su record personal, aki tur cos a mustra cu elo logre, pero e atleta Arubano no por a complementa e hisa manera desea debi cu su curpa a bai for di balansa y mester a laga e peso bai. Notable tabata cu e atleta Henriquez tabata un tiki desapunta debi cu casi ela logra mehora su marca personal. A lo largo e combinacion di snatch y clean and jerk a pone cu e atleta Arubano a logra hisa un total di 282kg. Asina mes John a keda satisfecho cu su prestacion general, mirando e tiki tempo cu ela haya pa cu su preparacion pa bini na e Weganan Olimpico. Segun John e tin cu traha un tiki mas duro ariba su tecnica cual ta algo hopi essencial den e deporte di hisamento di peso. Por ultimo nos kier a bisa aserca cu John Hneriquez a gana un popularidad enorme serca di e aficionado di peso, na su salida for di e Excel Center e publico presente no por a stop di saca potret y pidi autografo na nos atleta di peso. E competencia mes den 105kg a ser gana pa e atleta di Iran, Behdad Salimikorda cu a hisa pa un total di 455kg y a bai cu e medaya di Oro. Un pabien sigur na e atleta Arubano John Henriquez cu su logro durante di e Weganan Olimpico di Londres 2012
Comentarionan (7)Mustra/Kita comentarionan ...
Pakiko gasta placa den atletanan cu no ta presta bon den olimpiada sino si gaste den nos peloteronan cu a sali campeon Latino americano y cu awor ta bai WORLD SERIES.
,
August 08, 2012
...
Te,pakiko abo un bai hisa e peso anto,lo bo por a gana un medalla di aire,net loke bo por hisa.....invidia? Hahahaha,aboso mesun rubiano ta kibra nos atletanan,of bon ta rubiano??...Ser orgulloso pa su participacion, y si ela gana lo twt mooi mee genomen. John pabien y sigui hasi algo pa Aruba,loke hopi cu no ta hasi cu sinta critica....y na Te,busca coi hasi...mane hisa peso of otro sport??
,
August 08, 2012
...
A bira tempo pa nos atletanan tuma deporte engeneral na serio, pakiko mi ta bisa esaki ta pasobra e atletanan di e paisnan grandi ta train intensivamente tur dia ta pesey nan tin e logronan positivo. Lo ta great pa un dia nos por haya un medaya (maske ta brons)........
,
August 08, 2012
...
Nos tin cu stop di haci nos mes ridic*lo.
Como atleta cu conoce bo mes, bo sa hopi bon kiko bo por y vooral kiko bo no por! Para riba bo principio y bisa door di e corto tempo bo no ta suficiente pepara pa bay un competencia grandi asina. Claro, si bo kier viaha saca potret ta otro cos. Tuma esakinan como critica constructivo.
,
August 08, 2012
...
Nos ta proud dibo John Henriquez bon trabow.
Shonan boso tur tin rason, un atleta olympico ta train masha hopi mes, Pero no ta esey so. Porta e pregunta ta dicon e no ta train dia aden y afor? Aruba nos no tin ley di Deporte punto. Otro paisnan atleta nan ta wordo paga salario igual di un trabow y ora nan gana ta cas of auto tin ta spera nan. Aki nan bo tin cu roga bo donjo di trabow pa bo logra hanja un par di dia liber anto hera sin pago. Sin papia di Doctor y Massuers y Chiro , specialistanan. Awor nos tin esey? E ta un honor pa representa bo pais den e mihor forma posibel paso e ta campion di Aruba pa basta anja caba, bo kier pa e hasi mas, anto para den rij pa sponser e ora e jega bek Aruba. Den Deporte gana no ta tur cos especialmente olympiada bay lesa kiko e significado ta. Ban unie shonnan lebomay tira critica cu no tin base , ban sinja mas di situacion prome cu boso papia. Aruba reconoce bo atletanan ...tur di nan y laga politica di tur clase afor. Amen.
,
August 08, 2012
Duna Comentario y/of Comparti riba Social Medi |
Mustra/Kita e formulario di comentario
Tur cos bon pa e meneer aki, y ohalá cu e siguiente weganan Olimpico e tei pa representa su dushi isla.