| MEP recordando 35 aña di Augustus Scur |
 |
 |
| Wednesday, 08 August 2012 08:22 | |||
 Partido MEP E luna aki, esta augustus 2012 ta recorda cu 35 aña pasa cu nos pueblo den forma decidido a lanta para pa defende cu alma y curpa su autonomia, su libertad. Historia ta demonstra cu den e eleccion di Staten di dia 17 di juni 1977 partido MEP a gana den forma aplastante obteniendo 5 di e 8 asientonan y cu esaki e pueblo Arubano a ratifica e mandato na MEP pa sigui cu e lucha pa libertad di e pueblo aki. Despues di e victoria aplastante aki ningun hende na Aruba por a imagina loke ta bay sosode. E formador di Gobierno Central a maniobra di tal forma pa laga e partido mayoritario MEP for di gobierno, esta sin respeta e decision di e electorado Arubano. . Pueblo di Aruba, mirando cu un partido di 1 asiento a drenta gobierno Antiyano cu cooperacion di otro partidonan di otro islanan di Antiyas y lagando MEP completamente afor, a dicidi bao guia di Betico Croes hunto cu Gobierno Insular y gremionan pa lanta, protesta y pa respeta nos electorado Arubano. Sindicatonan den gran mayoria a pone trabao abao y a subi caya, unda e sindicato di WEB tambe a notifica gobierno cu lo bay kita coriente y consecuentemente esey a trece problema pa suministro di awa. Dia 11 di augustus coriente a cay afor y henter nos comunidad a keda den scuridad total. E tension a sigui crece y nuebe dia largo Aruba tabata paraliza. Dos sindicalista, esta Presidente di IOWUA, sr. Chinto Geerman (q.e.p.d.) y sr. Juan Yarzagaray a ser encarcela.pa motibo di un pamfleta cu nan a saca. Pueblo tabata decidido. Despues di un reunion di MEP na Centro di Bario Noord, a dicidi cu lo bay Warda di Polis na Playa pa exigi libertad di e sindicalistanan aki. Hendenan tabata furioso y tabata tira piedra riba e polisnan. Despues a bay protesta dilanti cas di Officier van Justitie Arps cu a bay baha bandera di Aruba cu tabata bula dilanti Bestuurskantoor. Mas laat den anochi a baha un avion yena cu Riot Commando for di Curaçao bao guia di Castillejo Cova cu a bin marcha den cayanan di Oranjestad pa mustra nan poder. Durante e protestanan dilanti Bestuurskantoor balanan cayente a cay, a tira riba e jeep di Betico Croes y tambe varios persona a wordo herida y e mesun anochi ey polis a distrui un auto Volkswagen cu dos ciudadano aden banda di Wilhelminastadion. Na Aeropuerto e avion cu a trece e Riot Commando na promer instancia no por a baha, pasobra a blokia e pista cu e autonan di Cuerpo di Bombero, consecuentemenrte e avion mester a bolbe subi pa evita cu cosnan grave lo a sosode. Den tur e acontecimentonan aki e mayornan di Betico Croes a ser humilia, su primo y diferente otro personanan a ser herida y diferente lider di bario a ser persigui. Locual cu a sigui despues di tur e accionnan aki ta cu sindicatonan hunto cu politiconan a tene un reunion grandi na Surfside, unda a dicidi cu a base di articulo 26 di Eilandenregeling lo bay manda un delegacion Hulanda. Hulanda porfin a habri wowo y a dicidi pa acepta un delegacion Arubano pa delibera tocante e futuro estatal di Aruba. Dia 3 di september 1977 den un forma triunfante e delegacion aki a sali rumbo pa Hulanda pa convence Madre Patria di Aruba su deseo di ta un pais autonomo den Reino Hulandes. Mester reconoce cu ta danki na tur e accionnan aki den luna di augustus 1977 awe nos pais ta gozando di su Status Aparte.
Comentarionan (7)Mustra/Kita comentarionan ...
Awe nos pais ta gozando di e libertad, e Status Aparte i tambe di un debe di mas di Us.$ 3 billon i hopi corupshon den dia kla. libertad aki ta ( l****nicia tur dia, tata di famia sin trabow i stanheronan si ta trahando, Banconan lasonan hunto pa castiga pueblo cu porcentahe, pobresa, seguro medico fatal, belasting inhusto, cartereranan sin expancion, medida, Gobernador den silencio, pueblo sclamando, mentiranan di ministronan ext.. ext..
,
August 08, 2012
...
Mira ki tur, PUEBLO e tempo ei, mester a haci y tabata KAPAS tambe pa haci'e, cu un RESULTADO cu ta INDUDABLEMENTE BENEFICIOSO pa un y tur, cu ta ARUBA su Status Aparte. No tin un LUCHA sin LAGRIMANAN y no tin LAGRIMANAN sin SACRIFICIO. Un pregunta ta keda di nos HOBENNAN, y nos ARUBIANONAN NOBO y OTRONAN cu ta PUNTRA, na UNDA AVP tabata den e lucha aki, y ki ACCION y TRABOUW nan a hiba den e AUG SCUR aki na 1977 cu a hiba ARUBA na logra e STAUS APARTE. E " CHINTO GEERMAN y JUAN YARZAGARAY" di IOWUA di AWE, cu un Refineria SERA, ta MORTO NA SOÑO drumi, cu CUSINCHI ariba cabez, cu NI RONCA, PUEBLO ta tende nan RONCA.. Que CONTRASTE di LIDERAZGO, PUEBLO por CONSTATA AWE!
,
August 08, 2012
...
Aunque mi no a gusta cu ARUBA a conoce e esfuerzonan y trabouwnan di LIBERTADOR BETICO CROES, qepd, y a prefera pa e LIBERTADOR tabata tin faam Eman, mi ta sinti cu PUEBLO di ARUBA sa kiko e tabata tin den Sr. BETICO CROES, y mescos cu mi tambe NUNCA por IMAGINA cu un EMAN despues di a bende ARUBA na BARATIYO pa puesto den GOBIERNO CENTRAAL, pa 12-8, por tabata KAPAS di cuminsa e LUCHA, corda pa completa e lucha di STATUS APARTE. Danki Betico Croes pa tur trabouwnan realiza!
,
August 12, 2012
Duna Comentario y/of Comparti riba Social Medi |
Mustra/Kita e formulario di comentario
