| Sintonisa e programa di Andre Ooijer Clinic awe nochi na ATV 15 |
 |
 |
| Wednesday, 08 August 2012 08:31 | |||
 Awe nochi Aruba completo ta wordo invita pa sintonisa ATV 15 pa 8:45 pm unda cu lo tin e programa special di Andre Ooijer. Mayornan mira boso yuinan den movecion na e clinic di Andre Ooijer. E clinic aki a tuma lugar un par di siman pasa na Compleho Deportivo Frans Figaroa.
E clinic aki a dura 3 dia unda nos refereenan a haya un lezing for di Kevin Blom kende ta un referee profesional di Hulanda y riba e otro dia nan nos hobennan a ricibi lezing, tips y mas conocemento di voetbal. Diadomingo atardi a tuma lugar e final di e Copa Andre Ooijer. Pa e categoria mucha muher Savaneta Stars a enfrenta Britannia unda Britannia a Sali campeon. Den e categoria mucha homber RCA a midi forsa cu National/Washington unda National/Washington a sa di titula campeon. Nos ta invita mayornan y pueblo di Aruba pa sintonisa ATV pa 8:45 awe nochi unda lo pasa e programa special di Andre Ooijer. E torneo aki a wordo realisa door di e ministerio di deporte, AVB y LIFIDA. Copa Andre Ooijer ta un proyecto di ministerio di deporte, cu Minister dr. Richard Visser ta apoya y sostene completamente.
|
Mustra/Kita e formulario di comentario
