| Minister Dowers ta anuncia: Deelcertificaten di MAVO y HAVO awo ta valido pa 10 aña! |
 |
 |
| Wednesday, 08 August 2012 08:38 |
 Minister di Husticia y Enseñansa, mr. drs. Arthur Dowers ta anuncia cu e periodo di validez di deelcertificaten di MAVO y HAVO a wordo extendi. E mandatario ta informa tur persona cu tin un of mas deelcertificaat y kier completa nan diploma di MAVO of HAVO, cu awo nan certificadonan tin un validez di 10 aña.
E validez di e certificadonan aki tabata di cinco aña, cual a resulta di ta mucho cortico. Na Hulanda pa basta tempo ya e validez di deelcertificaten a wordo extendi y Minister Dowers ta haya cu na Aruba tambe nos hendenan mester haya e mesun oportunidad y mas tempo pa completa nan diploma. Hopi bes un persona no ta completa su cantidad di deelcertificaten rekeri den e tempo antes stipula di cinco aña pa via di diferente motibo, y extendiendo e periodo di validez lo haci posibel pa mas hende por completa nan diploma via di landsexamens y sigui desaroya nan carera cu mas facilidad. Pa mas informacion tocante deelcertificaten y nan validez, como tambe landsexamen, por fabor tuma contacto cu "Examenbureau", cual ta un division di Departamento di Enseñansa, na number di telefon 583-8684 of via email na examen@ea.aw.
|
Mustra/Kita e formulario di comentario
