| Diabierna awor Upgrade Music & Friends lo hiba hubentud bek na scol |
 |
 |
| Wednesday, 08 August 2012 11:17 |
|
Sin duda algun e talento y bon musica cu ta representa Upgrade Music ta indiscutibel y lo ser demostra den e concierto di mas spera pa e temporada cu nos ta aden , cual por cierto tin hopi hende contando e dianan . Invitadonan di Corsou y St. Domingo , pa menciona algun , lo forma parti di e “ Line Up “ cu lo acompaña e banda den e anochi aki. Amigonan artista cu for di un comienso y te cu awor ta crea musica cu lo keda marca y toca pa historia. Upgrade Music ta un banda asina diverso cu ta dificil pa pone nan den un solo categoria , for di “ Love Songs “ te cu Reggae – Bachata – Rap - Kompa y Trance music ta un sin fin di exito tras di otro e ser treci dilanti pa e banda hoben di talento hoben aki. Concierto di Upgrade Music lo duna e pueblo un chens di por disfruta di gran mayoria di locual cu nan tin pa ofrece e public cu lo bay biba cu nan e anochi aki. Invitadonan lo ta entre otro Enmeris , Da Ridlaz , DJ Speedy , DJ Spike , DJ Vibes , DJ Edson JR y sin laga afor e persona encarga pa pone tur hende den ambiente MC 101. Tin cu menciona tambe cu lo tin algun artista sorpresa cu a forma parti di nan trayectorio y a ser busca pa duna un toke special na e anochi aki.
Renaissance Arena lo ta e centro di atencion caminda cu un escenario mahestuoso lo ser poni riba pia door di Elite Productions pa duna Upgrade Music & Friends e “ International Feeling “ como artista grandi cu nan ta. Ta premira un Sold Out completo pa cu e concierto aki y ta pidi tur hende pa busca nan entrada tempran na CD’s & More y como tambe na Wong Sheun Wong. Un danki grandi ta bay na e sponsornan cu ta kere den e talento local cu nos tin y ta sostene e banda aki na tur momento : U by Kotex – Digicel – Balashi Chill – Coca Cola – Renaissance Resort – Dedicated 2you Car Rental y Elite Productions. |
Mustra/Kita e formulario di comentario
