| RBC Royal Bank ta mustra su aprecio na Junior League |
 |
 |
| Wednesday, 08 August 2012 12:24 | |||
 RBC Royal Bank ta continua cu su aporte grandi pa cu e programa di Aruba Little League. Diamars mainta Sr. Pierre Rafini, Area Vice President Business Banking di RBC Royal Bank (Aruba) N.V., a bishita e seleccion di Junior League na Compleho Deportivo Frans Figaroa unda cu e hungadonan ta participando den un training camp pa preparanan pa e Serie Mundial. Sr. Rafini a felicita e seleccion cu a titula campeon Latino Americano na Costa Rica y ela expresa cu RBC ta sumamente orguyoso di nan logro. E seleccion lo ta saliendo diabierna awo dia 10 di augustus pa Taylor, Michigan, USA. Tambe Sr. Rafini a papia cu e hungadonan tocante e importancia di tin disciplina y perseverancia, no solamente den deporte pero den tur loke nan hasi pa asina por logra nan metanan den bida. Tambe ela bisa pa hasi uso di e oportunidad aki pa enjoy y siña di e experiencia aki y hiba e nomber di Aruba pa dilanti. Ela enfatisa cu nan ta un ehempel pa e hubentud, no solamente na Aruba pero tambe den exterior unda nan ta representando Aruba. Como muestra di aprecio RBC a entrega na cada hungado y nan coachnan un carchi di pabien cu un montante como regalo pa nan tremendo trabou durante e Campeonato Latino Americano. RBC ta aporta na e desaroyo di hubentud y deporte ta algo sano y ta yuda e hubentud keda riba e caminda corecto. RBC ta desea e seleccion hopi exito na e Serie Mundial 2012 na Estados Unidos.
|
Mustra/Kita e formulario di comentario
