| Kaso di ladronisia ku violensia |
 |
 |
| Wednesday, 08 August 2012 19:45 |
|
Djarason, 8 di ougùstùs 2012, alrededor di 10.07’or, Sentral di Polis a dirigí un patruya na un kas na Fortuna Ariba, pa un kaso di ladronisia ku violensia ku a tuma lugá riba dos habitante di e kas. For di un investigashon preliminar ku polis a realisá na e sitio, a resultá ku un pareha di edat doño di e kas, tabata sintá den balkon. Diripiente dos hòmber deskonosí, tur dos ku arma di kandela den man, a bula kura di e kas i bai den direkshon di e pareha. E pareha a purba lanta pa kore bai paden promé ku e dos hòmbernan sospechoso pero nan no a logra. Un di e sospechosonan a maltratá e hòmber víktima di edat ku kabu di pistol na su kabes. E otro sospechoso a bai ku e señora di edat paden di e kas i bou di menasa ku arma di kandela a pidié pa joya i plaka kèsh. E señora a logra kore habri porta parti patras di e kas i bai na bisiña pa yudansa. E dos sospechosonan a menasa e bisiña ku arma di kandela pa despues bula kura di kas i bai ku telefon selular i plaka kèsh for di e sitio Atrako Team ta kontinuá ku e investigashon. Tep: Polis ta súplika tur persona ku ta kere ku nan tin informashon riba e kaso di ladronisia ku violensia aki, pa pasa e informashon pa polis. Por yama Departamentu di Atrako na 866.6192 / 866.6140 òf tambe por yama na 911 durante di 24 ora òf e number anónimo 108. |
Mustra/Kita e formulario di comentario
