| Hoffi Choná ta celebra 40 aña cu un tremendo Nochi di Bolero |
 |
 |
| Wednesday, 08 August 2012 20:51 |
|
Na cuminsamento Hoffi Choná tabata ser usa mas bien pa fiestanan chikito di famia, pero poco poco e lugar a cuminsa bira mas popular y gusta den e pueblo. Asina mas y mas persona tabata pone fiestanan mas grandi den Hoffi Choná. E prome fiesta impactante cu banda a tuma lugar na aña 1975. E prome banda cu a toca den Hoffi Choná tabata e popular banda di e temponan ey, Cryptus Confession. Awor 40 aña despues sr. Jarzagaray a bende su propiedad cu su jiu mujer Mildred y su yerno Oslin. Mildred y Oslin, kendenan ta kere hopi den e potencialnan di e Hoffi, a dicidi di hasi un inversion grandi den esaki y renobe completamente. Asina pues Hoffi Choná a haya ful un cura halto di blokki rond, e toiletnan bieu a wordo basha abou y a traha nobo, mescos cu e cushina, bar, stage, etc. Asina Hoffi Chona a pasa awor pa su di 2 generacion den un bachi nobo. Dia 11 di augustus benidero ta celebra e 40 aña di existencia di Hoffi Chona cu un tremendo anochi di Bolero. Pa e ocacion special aki lo tey entre otro: Trio di Oro di sr. Ronny Kock. Tambe a selecciona e 20 boleristanan di tur tempo cu lo ser acompaña live pa Orkesta Badu di sr. Humphrey Hewit. Como broche di oro tambe lo tey directamente for di nos hermana Isla korsow nada menos cu sra. Mafalda Minguel, Melania van der Veen y Arnell Salsbach. Expectativanan pa e anochi aki ta sumamente grandi y ta priminti di bira un anochi inolvidabel. Bin celebra un anochi ameno e 40 aña di existencia di Hoffi Choná.
|
Mustra/Kita e formulario di comentario
