| Ultimo siman pa inscribi ainda pa e curso di Tarief der Invoerrechten en Accijnzen y Assistent Declarant! |
 |
 |
| Wednesday, 08 August 2012 21:14 |
|
Nos di G-Square Import Export & Consulting Services ta categorisa nos mes como un compania cu un concepto completamente nobo na unda cu por medio di expertonan den e respectivo materia por y lo trece cursonan na tur compania existente estableci na Aruba, grandi y chikito, creando un ambiente na unda un y tur, na final, lo por traha lo mas eficiente posibel y den e condicionan mas comodo pa locual ta formalidadnan recarda cu e materia di Importacion y/o Exportacion di productonan na nos Pais Aruba. E meta principal di G-Square Import Export & Consulting Services ta pa mehora substancialmente y siguramente garantisa e calidad di servicio di tur compania estableci riba nos isla cu ta funciona den e ramo aki brindando servicionan, manera conseho, ofrece cursonan y workshopnan dirigi especificamente riba e materia en cuestion. Consecuentemente nos di G-Square Import Export & Consulting Services tin e grato placer di anuncia via boso medio introduccion di dos curso nobo pa e luna di Augustus venidero. - Tarief der Invoerrechten en Accijnzen, basa ariba nivel basico; - Assistent Declarant. E materia “Tarief der Invoerrechten en Accijnzen” ya no ta un materia cual pa pueblo di Aruba mester pasa pa ta un asunto desconoci. E ta e derecho di cada ciudadano bibando riba nos pais Aruba pa ta na altura di kiko e materia aki ta encera. Ya, despues di tur cos, nos por mira atras cu practicamente un 95% di productonan cu nos ta haya riba nos isla ta wordu importa y cu alaves e sistema cu te awendia nos ta usando na Pais Aruba ta e sistema cual ta wordu usa ariba un gran parti di mundo, esta e “ Geharmoniseerd Systeem”. Alaves mester menciona cu den e 97 capitulonan di e materia aki tur asunto cu bo por encontra rond di bo, den cua forma y/o material posibel cu ta,e produkto en cuestion mester ta y lo wordu resorta den e “Tarief der Invoerrechten en Accijnzen” Nos di G-Square Import Export & Consulting Services a dicidi di dividi e curso aki riba dos nivel, esta e nivel basico sigui consecuentemente pa e nivel avansa. Den e nivel basico e cursista lo siña con pa tarifa un product den e 97 capitulonan. Den e segundo nivel ta toca turno primordialmente na e parti caminda cu e reglanan na unda cu ta recarda e motibo di tarifa un producto sigur lo hunga su rol primordial. Adhunto na e curso di Tarief der Invoerrechten en Accijnzen tambe nos ta introduci e curso Assistent Declarant. E curso aki ta bai specifico riba e aangifte document cual ta ser utilisa diaramente pa haci declaracionnan na Douane pa cu importacion di productonan den nos pais Aruba. E asina yama “Enig Document”. Por medio di e curso aki bo lo sinja detayadamente con pa yena e formulario aki den tur su extencion di palabra y con pa na final, ora cu esaki pasa via e proceso por medio di e departamento di Douane, e lo por bira un documento legal. E curso aki ta destina pa tur hende cu ta traha den e materia aki y tur otro cu kier siña e materia aki. Si bo compania tin mester un trahado pa fill in pa un trahado ausente pa un dia, esaki ta e curso ideal pa bo trahado. Nos di G-Square Import Export & Consulting Services kier pone enfasis si cu e cursonan aki ta destina pa companianan grandi y/o chiquito, personanan individual, cu tin ambicion pa perfeccion den e materia aki na unda cu finalmente e fruta lo ta practicamente perfeccion den e materia especifico aki cu tin su metanan principal dirigi riba importacion y exportacion di productonan pa, y of for di nos pais Aruba. Sin laga afo cu tur informacion duna na e cursista ta basa ariba e leynan existente di nos pais Aruba. Pues, esaki ta djies simplemente un pre-ambulo di locual e cursista por bai spera den e cursonan aki cualnan ta poni pa cuminsa Dialuna 13 di augustus y Diamars 14 di augustus 2012. Pa mas informacion yama na nos cellular number 7446660. |
Mustra/Kita e formulario di comentario
