| Rumannan Contreras, angel wardador pa hopi animal na Aruba |
 |
 |
| Friday, 10 August 2012 08:12 |
 Danki na Dan Oduber y Ebby Arends cu a kere den e vision di e dos veterinarionan cu nan por a logra pa habri nan porta. Cu yen di animo ambos tabata kla pa cuminsa educa y yuda nos hendenan como nos bestianan. Nan prome clinica tabata ubica na Modanza. Aki e dos hobennan tabata eherce nan trabou, hopi por a mira nan riba caya y ambos tabata haci bishita na cas. Arma cu beeper semper nan a logra pa yega na tur bestia cu tabata tin mester di nan. E amor pa bestia tabata visible pa tur persona cu nan a traha y conversa cu ne. E pasion pa yuda tur bestia tabata grandi. Niun caso ta bay perdi, hasta ta logra scapa diferente bida di cachonan, unda cu otro, no a kere tin salbacion. E vision di por purba yuda tur hende ta na unda ta hiba e duo dinamico aki na nan sigiente fase di nan bida. Ariba 28 di february 1999 Andreina y Ricardo ta muda pa Shaba. Aki ta cuminsa expande y establece nan mes te cu awe. Sinembargo e experiencia cu ambos veterinario ta cana cu ne ta un sabiduria inigualabel. Conhuntamente cu Dr Gogorza y Dr Comenencia nan ta logra di yuda miles di bestia riba nos isla. E carisma y atención di ruman Contreras a logra conkista hopi curason di hende cu a pone nan ser keri den nan man. E famia di Convet ta grandi y ambos ruman ta logra yuda hopi stagiaire veterinario mes cu nan estudio y siñanan e balor di cada bestia. Convet ta sigui crese y riba 13 di April 1999 ruman Contreras ta habri nan porta na Savaneta. A pesar di tur cos te cu awe nos por logra wak cara di trahadornan nan cu tey for di inicio cu Contreras y cu tey manera un pilar pa sostene e angel wardador nan eherce nan trabou di tur dia. Sinembergo e trabou sigur no tabata por ta posibel sin e ayudo di dios, Andreina Samper ta enfatisa, famia cu semper tey y clientenan cu semper a pone nan confiansa den nan. Pa conmemora nan 20 aña, Andreina y Ricardo a invita nan famia y amigonan keri pa bin recorda 20 aña di bunita recuerdo yudando nos bestia nan di Aruba. Pabien ta bin di curason.
Comentarionan (4)Mustra/Kita comentarionan ...
Mi ta felicita e team di Veterinario Contreras pa nan 20 aniversario di existencia y gradici nan pa tur nan dedicacion na bienestar di nos animalnan. Aunke mi ta cliente di otro veterinario, mi a jega di acudi sercan nan c'un puppy di un bisinja cu a wordo gedal pa un auto. E donjo no a ni worry mes. Veterinario Contreras tabata na warda, dus riba mi propio gastonan mi a hiba e puppy serca nan y nan a atende mesora, hopi profesional y cu hopi carinjo. Jammer nan no por a hasi nada pa e puppy, y mester a pone drumi pa semper. Pero e solo hecho con nan a atende cu e animalito, a laga mi keda semper hopi agradecido. Mi ta desea Veterinario Contreras tur cos bon y sigi asina.
,
August 10, 2012
...
Hopi pabien Veterinario Contreras cu boso 20 anja di cuidando tur e animalnan aki na Aruba. Ami mes ta hopi gradici na nan cu nan a logra scapa mi Chihuahua un paar di anja pasa ora cu un cacho grandi atake. E cacho a habri e cabez di mi chihuahua kibrando su skedul, dr. Contreras a haci tur cos den su poder y a logra scapa mi baby. Un bes mas masha danki
,
August 10, 2012
...
Stranjo, hopi hende ta yama e consultorio contreras: Afmaak hok. Nan solucion semper ta: "mihor ponele drumi".
,
August 11, 2012
...
Un di nos veteriano nan mas destaca aki na Aruba nos mester ta orgulloso di boso ,boso ta gewoon the best.. boso a scapa mi cacho...Dios bendiciona boso sigi juda nos cacho nan.Adriana abo ta un real dog lover..Y Ricardo abo ta haci bo trabow cu passion...Boso ta hopi great...Blessing...Y un felicitaion di mi dogs nan pa boso hahahah....Y hopi anja mas di existencia..y salud....Y danki pa boso ajudo pa mi dogs nan...cu si no tabata pa boso nan no ta existi...Thanks...Thanks...Thanks.....
,
August 11, 2012
Duna Comentario y/of Comparti riba Social Medi |
Mustra/Kita e formulario di comentario
