| Concierto UpGrade Music & Friends pronostica di bira awe un “Sold Out" |
 |
 |
| Friday, 10 August 2012 09:38 | ||||||
 Upgrade Music & Friends ta e gran evento cu ta poni pa cera e vakantie grandi aki na Aruba. Hopi entusiasmo tras di e dia di awe, unda publico lo bay disfruta di un concierto di nos talentonan local como e atraccion principal. Nunca antes a logra esaki, unda organisadonan ta duna nos bandanan local e respet y realse cu nan merece.
Upgrade Music a sa di conkista no solamente e grupo mas hoben pero Aruba completo cu tur nan exitonan cu ta zonando tur caminda. Invitadonan internacional cu a forma parti den nan produccionan recien y anterior lo duna e publico e energia total pa gosa sin fin di e anochi aki. Enmeris, cu a yega ayera nochi y ta cla pa presenta un tremendo repertorio pa su publico. Da Ridlaz tambe lo forma parti di e repertorio extenso cu nan a prepara y conhuntamente cu algun sorpresa como “Guest Star “ lo bolter Renaissance Arena. DJ nan invita : Speedy – Vibes – Spike – Edson JR y MC 101 cu lo pone drama y ambiente sin fin. Porta lo habri pa 6or di atardi y ta corda tur hende pa yega na tempo. Ta gradici e sponsornan cu ta apoya nos talentonan local y cu a sostene e evento aki den gran forma. Nan ta U by Kotex (Oduber Agencies), Digicel, Balashi Chill, Coca Cola, DAE, Renaissance Resort y Dedicated 2you Car Rental. Upgrade Music & Friends ta pronostica di bira un “Sold Out“ completo.
|
Mustra/Kita e formulario di comentario
