| “We Love Students” cu exitoso kick-off event pa e aña escolar 2012-2013 |
 |
 |
| Friday, 10 August 2012 12:24 | ||||||
 E evento a tene lugar na Universidad di Aruba unda cu tur hende a disfruta di "Drinks & Desserts" y music pa DJ Double R y Nutzbeatz. Durante anochi diferente studiantenan y tambe profesionalnan por a combersa y pasa un rato great. WLS ta un organisacion cu a wordo funda cu e intencion pa crea oportunidadnan pa studiantenan riba diferente tereno entre otro riba tereno educativo, deportivo, festivo y caricativo. WLS ta un plataforma pa juda studiantenan yega na haya informacion di trabounan, stage etc cu tin disponible. Na tur e studiante nan cu ta bay biba afor ta naturalmente necesario pa haya un lugar pa asina nan por establece nan mes y aki WLS ta disponible pa yuda studiante nan cu ainda no tin un cas pa yega na esaki. E "Executive Friday" di diabierna pasa tawata e start pa e schooljaar nobo di aña 2012-2013. E evento aki no tawata posibel sin algun sosten y support di algun companianan: Arubabank, Occidental Grand Aruba, Bright Bakery, Romar Trading, Elite Productions, Brouwerij Nacional Balashi, Renaissance Aruba. E team di WLS awor ta cla pa bay hulanda bek pa asina atende e siguinte evento cual ta e "14de Arubaanse Softbal Toernooi" cu lo tuma lugar fin di September na Hulanda. E evento aki ta uno pa tur Arubianonan cu ta bibando na Hulanda, es decir pa tur studiante alavez trahadornan biba eynan. E ta un evento anual unda cu cada stad tin nan team forma pa representa. Pa dos dia largo e teamnan lo enfrenta otro y cu e systema di eliminacion lo jega na e team y pues e stad ganador. WLS ta invita tur studiante pa bishita www.welovestudents.org of sigi nos riba facebook.com/welovestudentsorg of @weLstudents pa asina keda up to date cu tur locual e organisacion ta hasi na hulanda y Aruba. Pa tuma contacto cu WLS email nos na info@welovestudents.org.
Comentarionan (2)Mustra/Kita comentarionan Duna Comentario y/of Comparti riba Social Medi |
Mustra/Kita e formulario di comentario
