|
Brazil Taekwondo Stichting a reuni cu e scolnan local tocante e reglamentonan di Best of the Best Powerade Taekwondo Cup |
 |
 |
|
Friday, 10 August 2012 12:38 |
|
Diahuebs anochi a tuma lugar e prome reunion na Centro di Bario Brazil tocante e reglamentonan di Best of the Best Powerade Taekwondo Cup. Robert Giel a dirigi e reunion na unda cu e la trece 21 punto pa dilanti di Best of the Best Powerade Taekwondo Cup na unda cu no tabata tin niun pregunta over di e reglamentonan.
Despues a menciona e atletanan di cada scol di Taekwondo cu a wordo selecta pa ta den Best of the Best Powerade Taekwondo Cup. E anja aki Brazil Taekwondo Stichting a pone hopi enfasis ariba participacion di damas, mirando cu entre e atletanan di exterior cu ta bin pa participa den Best of the Best Powerade Taekwondo Cup tin hopi damas y tambe pa stimula mas damas pa practica Taekwondo. Aki ta e lista di atletanan di cada scol cu a wordo selecta: Caribbean Taekwondo Institute 3 atleta. Washington Taekwondo Center 8 atleta. Tiger Taekwondo Academy 13 Atleta. Noord Taekwondo Center 8 atleta. San Nicolas Taekwondo Center 11 atleta. Estrella Taekwondo Center 12 atleta. Crotalus Taekwondo Center 8 atleta y di Brazil Taekwondo Stichting 11 atleta. Awor cu e scolnan sa kende ta e atletanan di nan scol cu ta participando, nan lo sigui cu nan training den un speed mas halto pa asina ta mihor prepara pa Best of the Best Powerade Taekwondo Cup 2012.
 |
Mustra/Kita e formulario di comentario
