| Consul honorario di Brazil na Aruba di bishita serca director di departamento di relacionnan exterior |
 |
 |
| Friday, 10 August 2012 13:50 |
 Recientemente Drs. Andy Lee, Director di Departamento di Relacionnan Exterior, a ricibi bishita oficial di introducción di e recién apunta Consul Honorario di Brazil na Aruba, Sr. Carlos A. Augusto.
Sr. Augusto a ricibi un cordial bon bini tambe di parti di Sra. Eleisah Williams, Hefe di e Seccion pa Asuntonan Politico, Economico y Consular. Meta principal di e bishita tabata pa sera conosi cu Drs. Lee y tambe discuti asunto y trabounan consular como tambe e privelegio e imunidad di consulado. Sr. Augusto ta remplaza def. Eddy Porry, kende tabata fungi anteriormente como Consul Honorario na Aruba. Oficina di Sr. Augusto ta situa na Pindastraat 17, Tarabana; telefoon 588 6001; email carlos.aruba@gmail.com Departamento di Relacionnan Exterior ta extende un cordial bon bini na Sr. Augusto na e cuerpo consular di Aruba.
|
Mustra/Kita e formulario di comentario
